അടുത്തിടെ റിലീസായ മലയാളത്തിലെ സൂപ്പർ ഹിറ്റ് ചിത്രമായ അയ്യപ്പനും കോശിയും തമിഴിന് പിന്നാലെ തെലുങ്കിലേക്കും റീമേക്ക് ചെയ്യപ്പെടുകയാണ്, അടുത്ത് റിലീസിനെത്തിയ അല്ലു അര്‍ജുന്റെ സൂപ്പര്‍ ഹിറ്റ് ചിത്രം അല വൈകുണ്ഠപുരമുലൂ നിര്‍മ്മിച്ച സൂര്യ ദേവര നാഗ വംശിയാണ് ചിത്രത്തിന്റെ റീമേക്ക് റൈറ്റ്‌സ് സ്വന്തമാക്കിയിരിക്കുന്നത്.
ബാഹുബലി താരം റാണാ ദഗുബാട്ടിയായിരിക്കും ചിത്രത്തില്‍ പൃഥ്വിരാജിന്റെ വേഷം ചെയ്യുന്നതെന്നാണ് റിപ്പോര്‍ട്ട്, ബിജുമേനോന്റെ കഥാപാത്രത്തെ നന്ദമുറി ബാലകൃഷ്ണ ആയിരിക്കും അവതരിപ്പിക്കുക, ആടുകളം, ജിഗാര്‍ത്താണ്ഡ എന്നീ ചിത്രങ്ങള്‍ നിര്‍മിച്ച കതിരേശന്‍ ആണ് ചിത്രത്തിന്റെ തമിഴ് റീമേക്ക് അവകാശം സ്വന്തമാക്കിയത്.
എന്നാൽ ഇതുവരെയായി ചിത്രം തമിഴില്‍ ആര് ഒരുക്കും എന്നതിനെക്കുറിച്ചുള്ള വിവരങ്ങള്‍ പുറത്തുവന്നിട്ടില്ല, വിക്രം, സൂര്യ, വിജയ് സേതുപതി, ധനുഷ് എന്നീ പേരുകളാണ് മുഖ്യമായും അയ്യപ്പന്‍ കോശി റോളിലേക്ക് ആരാധകര്‍ സജസ്റ്റ് ചെയ്യുന്നത്, പൃഥ്വിരാജ് അവതരിപ്പിച്ച കഥാപാത്രത്തെ അവതരിപ്പിക്കാന്‍ തനിക്ക് ആഗ്രഹമുണ്ടെന്ന് ധനുഷ് കതിര്‍സേനനെ അറിയിച്ചതായും റിപ്പോര്‍ട്ടുണ്ട്.
ഹിറ്റ് ചിത്രമായ ‘അനാര്‍ക്കലി’ക്ക് ശേഷം സച്ചി തിരക്കഥയെഴുതി സംവിധാനം ചെയ്യ്ത ചിത്രമാണ് അയ്യപ്പനും കോശിയും, പൃഥ്വിരാജും ബിജു മേനോനും കേന്ദ്രകഥാപാത്രങ്ങളായെത്തിയ ചിത്രം മദ്യ നിരോധിത മേഖലയായ അട്ടപ്പാടിയിലേക്ക് മദ്യം കൊണ്ടുപോയതിന് പിന്നാലെ സംഭവിച്ച പൊല്ലാപ്പുകളുടെ കഥയാണ് പറഞ്ഞത്.
Post Your Comments