ട്രോളുകള്‍ മലയാളികളുടെ നിത്യ ജീവിതത്തിന്റെ ഭാഗമായി ഇന്ന് മാറിയിരിക്കുകയാണ്. സാമൂഹികവും രാഷ്ട്രീയവുമായ എല്ലാ വിഷയങ്ങളും ട്രോളുകളില്‍ ചര്ച്ചയാകാറുണ്ട്. ഇപ്പോള്‍ ലോകം മുഴുവന്‍ കൊറോണ വൈറസ് പടര്‍ന്നു പിടിക്കുന്ന ആശങ്കയിലാണ്. എന്നാല്‍ ഈ ലോക്ക് ഡൌണ്‍ കാലത്ത് മലയാളികള്‍ക്ക് ചിരിക്കാന്‍ വ്യത്യസ്തമായ ഒരു വീഡിയോ ഒരുക്കിയിരിക്കുകയാണ് ചങ്ങനാശേരിക്കാരൻ അജ്മൻ സാബു. ‘മണിച്ചിത്രത്താഴി’ൽ അല്ലിക്ക് ആഭരണം വാങ്ങാൻ നകുലനോട് ഗംഗ അനുവാദം ചോദിക്കുന്ന സീൻ, വേൾഡ് റെസലിങ് താരങ്ങളായ (wwe) ‘ബിഗ്ഷോ’യെയും സ്‌റ്റിഫാനിയെയും കൊണ്ട് മനോഹരമായി അഭിനയിപ്പിച്ച എഡിറ്റര്‍ അജ്മൻ സാബുവിനെ മലയാളികള്‍ മറന്നിട്ടുണ്ടാകില്ല.
തെരഞ്ഞെടുപ്പ് സമയത്തെ മോദിയുടെ പ്രസംഗവും രാഹുൽ ഗാന്ധിയുടെ ലോക്സഭയിലെ കണ്ണിറുക്കലും ജോക്കർ- സലിം കുമാർ മണവാളെൻറ അച്ഛൻ വേർഷനുമെല്ലാം ഒരുക്കി ചിരിയുടെ പൂരം തീര്‍ത്ത ഈ കലാകാരന്‍ ഇപ്പോള്‍ അമേരിക്കന്‍ പ്രസിഡന്റിനെക്കൊണ്ട് ആമിനതാത്താടെ പൊന്നുമോളാണ്, നാട്ടില് ചേലുള്ള പെണ്ണാണ്… എന്ന പാട്ട് പാടിപ്പിക്കുകയാണ്.
ഹണി ബീ 2.5ലെ ഈ പാട്ട് പാടിയത് അമേരിക്കന്‍ പ്രസിഡന്റ് ഡോണൾഡ് ട്രംപ് ആണോ എന്ന സംശയത്തിലാണ് സോഷ്യല്‍ മീഡിയ. കാരണം ട്രംപിന്റെ പാട്ടിനൊപ്പം പ്രധാനമന്ത്രി നരേന്ദ്രമോദിയും ട്രംപിെൻറ ഭാര്യ മെലാനിയയും താളം പിടിക്കും. പാട്ടിെൻറ വരികളും ട്രംപിന്റെ ചുണ്ടനക്കവും കാണുേമ്പാൾ ശരിക്കും ട്രംപ് പാട്ടുപാടുന്നതാണോ എന്ന സംശയമുണ്ടാകുന്നത്. അത്ര മികച്ച രീതിയിലാണ് അജ്മലിന്റെ എഡിറ്റിംഗ്.
അമ്പതോളം ട്രോളുകളാണ് ‘അജ്മൽ സാബു കട്ട്സ്’ എന്ന പേരിൽ വൈറലായിരിക്കുന്നത്. ‘ലൗ ആക്ഷൻ ഡ്രാമ’ എന്ന നിവിൻപോളി ചിത്രത്തിലെ ‘കുടുക്കുപൊട്ടിയ കുപ്പായം…’ ടീസർ സോങ് എഡിറ്റ് ചെയ്ത അജ്മല്‍ ആ ചിത്രത്തിന്‍റെ സഹസംവിധായകനായും പ്രവർത്തിച്ചു. ‘ഗൂഢാലോചന’ എന്ന സിനിമയുടെ ടീസറും എഡിറ്റ് ചെയ്തു. ‘ദാപ്പ്’ എന്ന മറാത്തി സിനിമയാണ് ആദ്യമായി എഡിറ്റ് ചെയ്തത്. ‘കാപ്പിരി തുരുത്ത്’ ആണ് സഹസംവിധാനം നിർവഹിച്ച ആദ്യ മലയാള സിനിമ. 41, കാനായിലെ മദ്യപാനികൾ എന്നീ സിനിമകളുടെ ട്രീസറും ട്രൈലറും എഡിറ്റ് ചെയ്തു. ‘ഡിങ്കോൾഫി’ എന്നപേരിൽ സംവിധാനം ചെയ്ത ഷോട്ട് ഫിലിം വൈറലായി. ചങ്ങനാശ്ശേരി പള്ളിപ്പറമ്പ് സാബു ലത്തീഫ്, സഫീന ദമ്പതികളുടെ മകനാണ് അജ്മൽ. പുണെയിലെ മാക്ക് ഇൻസ്‌റ്റിറ്റ്യൂട്ടിലാണ് എഡിറ്റിങ് പഠനം.
Post Your Comments