ഞാൻ ഒരു തട്ടിപ്പുകാരനല്ല; തന്റെ ചിത്രം ഉപയോഗിച്ച കേരള പൊലീസിനെതിരെ സുഡാനി താരം

സുഡാനി ഫ്രൈം നൈജീരിയ എന്ന ചിത്രത്തിലൂടെ മലയാളികള്‍ക്ക് ഏറെ പ്രിയങ്കരനായ താരമാണ് സാമുവൽ അബിയോള. കേരള പൊലീസ് അവരുടെ ഔദ്യോഗിക പേജിൽ പങ്കുവച്ച ട്രോളിനെതിരെ രംഗത്ത് എത്തിയിരിക്കുകയാണ് താരം. സുഡാനി ഫ്രം നെെജീരിയ എന്ന ചിത്രത്തിലെ സാമുവലിന്റെ രം​ഗങ്ങൾ ഉപയോ​ഗിച്ചുകൊണ്ട് മന്ത്രിമാരുടേയും മുതിര്‍ന്ന ഉദ്യോഗസ്ഥരുടെയും പേരില്‍ വ്യാജ ഇ-മെയില്‍ സന്ദേശങ്ങള്‍ അയച്ച് പണം തട്ടുന്ന നൈജീരിയൻ സംഘത്തെക്കുറിച്ച് ഒരു ട്രോള്‍ കേരള പോലീസ് സാമൂഹമാധ്യമങ്ങളില്‍ പങ്കുവച്ചിരുന്നു. ഇതാണ് താരത്തെ ചൊടിപ്പിച്ചത്.

എല്ലാ നെെജീരിയക്കാരും തട്ടിപ്പുകാരല്ലെന്നും ഇതുപോലുള്ള സന്ദേശങ്ങൾക്ക് തന്റെ ചിത്രം ഉപയോ​ഗിക്കുന്നത് അം​ഗീകരിക്കാനാകില്ലെന്നും സാമുവൽ റോബിൻസൺ പറയുന്നു..

സാമുവൽ അബിയോള റോബിൻസന്റെ കുറിപ്പ്

ഇതുപോലുള്ള കാര്യങ്ങൾക്ക് എന്റെ ഇമേജും സാദൃശ്യവും ഉപയോഗിക്കുന്നതിനെ ഞാൻ അഭിനന്ദിക്കുന്നില്ല. കേരള പോലീസ് ചെയ്യുന്ന ജോലിയെ ഞാൻ അഭിനന്ദിക്കുന്നു. ഒരു രാജ്യത്തുനിന്നുമുള്ള വഞ്ചനയെ ഞാൻ ഒരു തരത്തിലും പിന്തുണയ്ക്കുന്നില്ല, അതുമായി ബന്ധപ്പെടുന്നത് ഞാൻ അഭിനന്ദിക്കുന്നില്ല. ഞാൻ ഒരു നൈജീരിയൻ ആയതുകൊണ്ട് ഞാൻ ഒരു തട്ടിപ്പുകാരനാണെന്ന് അർഥമാക്കുന്നില്ല.

യഥാർത്ഥത്തിൽ നിരവധി അഴിമതികൾ ചൈനീസ് അല്ലെങ്കിൽ വിയറ്റ്നാം ഉത്ഭവമാണ്, അവ നൈജീരിയൻ കോഡ് നാമങ്ങൾ മാത്രമാണ് ഉപയോഗിക്കുന്നത്. ഞാൻ ഒരു തട്ടിപ്പുകാരനല്ല, ഇത് ഞാൻ വിലമതിക്കുന്നില്ല. നിങ്ങൾ ഒരു ഇന്ത്യൻ മനുഷ്യനായതുകൊണ്ട് നിങ്ങൾ ഒരു റേപ്പിസ്റ്റ് അല്ല. ഇവ സാമാന്യവൽക്കരിക്കുന്നത് നിർത്തുക ദശലക്ഷക്കണക്കിന് നൈജീരിയക്കാരും കോടിക്കണക്കിന് ഇന്ത്യക്കാരുമുണ്ട്. എല്ലാം ഒരുപോലെയാണെന്ന് കരുതുന്നത് വളരെ ക്രിയാത്മകമല്ല. നന്ദി- അദ്ദേഹം കുറിച്ചു.

താരത്തിനെ പിന്തുണച്ച് ഒട്ടനവധിപേർ രം​ഗത്തെത്തി. കൂടാതെ നടന്റെ പ്രതികരണം വൈറലായതോടെ ഫെയ്സ്ബുക്ക് പേജിൽ നിന്നും ഈ ട്രോൾ നീക്കം ചെയ്തിരിക്കുകയാണ് കേരള പൊലീസ്.

l