‘എത്ര വളർന്നാലും എന്റെ കുഞ്ഞാവയല്ലേ നീ’! മകളെ മടിയിലിരുത്തി റഹ്മാന്‍

ഒരുകാലത്ത് മലയാള സിനിമയിലെ കാമുകനായി തിളങ്ങിയ പ്രിയനടന്‍ റഹ്മാന്‍ തന്റെ രണ്ടാം വരവില്‍ തെന്നിന്ത്യയുടെ പ്രിയതാരമായി മാറിക്കഴിഞ്ഞു. ഇപ്പോള്‍ സോഷ്യൽ മീഡിയയില്‍ സജീവ സാന്നിധ്യമാണ് താരം. തന്റെയും കുടുംബത്തിന്റെയും പുതിയ വിശേഷങ്ങളും ചിത്രങ്ങളുമൊക്കെ താരം തന്റെ ഫെയ്സ്ബുക്ക് പേജിൽ പങ്കുവയ്ക്കുക പതിവാണ്. ഇപ്പോഴിതാ, മകള്‍ക്ക് ഒപ്പമുള്ള പുതിയ ചിത്രമാണ് വൈറൽ

ചിത്രത്തിൽ, മകളെയും മടിയിൽ വച്ച് കടൽ തീരത്ത് ഇരിക്കുകയാണ് റഹ്മാൻ. ‘ഒരു തികഞ്ഞ രക്ഷകര്‍ത്താവ് എന്നൊന്നും പറയാന്‍ പറ്റില്ല. അതിനാല്‍ ഒരു യഥാര്‍ഥ വ്യക്തിയായിരിക്കുക’ എന്ന കുറിപ്പോടെയാണ് താരം ചിത്രം പോസ്റ്റ് ചെയ്തിരിക്കുന്നത്. ഡാഡി ഡോട്ടർ എന്ന ഹാഷ് ടാഗും ചിത്രത്തിനൊപ്പം നൽകിയിട്ടുണ്ട്.