Uncategorized

ശാരദ ചോദിച്ചത് ഉയര്‍ന്ന പ്രതിഫലം, അത് ഞാന്‍ നല്‍കിയത് എന്‍റെ പ്രതിഫലത്തില്‍ നിന്ന്: അന്നത്തെ ശാരദയുടെ പ്രതിഫലം വെളിപ്പെടുത്തി അടൂര്‍ ഗോപാലകൃഷ്ണന്‍

അന്നത് വലിയ തുകയാണ് അത്രയും കൊടുക്കാന്‍ ഞങ്ങള്‍ക്ക് കഴിയില്ല

‘സ്വയംവരം’ എന്ന സിനിമയ്ക്ക് ശാരദ എന്ന നടി അത്രത്തോളം അവിഭാജ്യഘടകമായിരുന്നു. നിരവധി പുരസ്കാരങ്ങളുടെ തിളക്കത്തില്‍ എന്നും ചര്‍ച്ച ചെയ്യപ്പെടുന്ന സ്വയംവരത്തില്‍ നായിക ശാരദ എത്തപ്പെട്ടതിനെക്കുറിച്ചും അവര്‍ ചോദിച്ച പ്രതിഫലം തന്റെ പ്രതിഫലത്തില്‍ നിന്ന് നല്‍കിയതിനെക്കുറിച്ചും വര്‍ഷങ്ങള്‍ക്കിപ്പുറം മാതൃഭൂമി ആഴ്ചപതിപ്പിന് നല്‍കിയ അഭിമുഖത്തില്‍ സംസാരിക്കുകയാണ് അടൂര്‍ ഗോപാലകൃഷ്ണന്‍. സ്വയംവരത്തില്‍ അഭിനയിക്കാന്‍ ശാരദ ആവശ്യപ്പെട്ട തുക ഉയര്‍ന്നതായിരുന്നുവെന്നും അത് കൊടുക്കാനായി തങ്ങള്‍ക്ക് അന്ന് കഴിയുമായിരുന്നില്ലെന്നും ഒടുവില്‍ തന്റെ പ്രതിഫലത്തിന്റെ പകുതിയാണ് ശാരദയ്ക്ക് നല്‍കിയതെന്നും അടൂര്‍ ഗോഗപകൃഷ്ണന്‍ തുറന്നു പറയുന്നു.

‘സ്വയംവരത്തില്‍ പുതിയ അഭിനേതാക്കളെ ഉപയോഗിക്കാനാണ് തീരുമാനിച്ചത്. പക്ഷേ നായികയുടെ വേഷത്തിലേക്ക് ആരെയും തരപ്പെട്ടുകിട്ടിയില്ല. അങ്ങനെയാണ് ശാരദയെ നിശ്ചയിച്ചത്. പ്രൊഡക്ഷന്‍ മാനേജര്‍ വഴിയാണ് ശാരദയെ ബന്ധപ്പെട്ടത്. 25000 രൂപ പ്രതിഫലം വേണമെന്ന് അവര്‍ ആവശ്യപ്പെട്ടു. അന്നത് വലിയ തുകയാണ് അത്രയും കൊടുക്കാന്‍ ഞങ്ങള്‍ക്ക് കഴിയില്ല. ഒടുവില്‍ എന്‍റെ പ്രതിഫലത്തില്‍ നിന്നാണ് ആ തുക കൊടുത്തത്. ഈയിടെ ഞാന്‍ ഈ കാര്യം ശാരദയിരിക്കുന്ന ഒരു വേദിയില്‍ വച്ച് പറഞ്ഞു അങ്ങനെ സംഭവിച്ചതില്‍ അവര്‍ കുണ്ഠിതപ്പെട്ടു’.അടൂര്‍ ഗോപാലകൃഷ്ണന്‍ പറയുന്നു.

shortlink

Related Articles

Post Your Comments


Back to top button