മേക്കപ്പ് ഇല്ലാതെയും ഞാൻ സുന്ദരിയാണ് : പക്ഷേ നിങ്ങൾ കണ്ടിട്ടുണ്ടാവില്ല, കാണാനുള്ള അവസരം ഒരുക്കി തരാം; റിമി ടോമി

പ്രേഷകരുടെ ഇഷ്ടപെട്ട ഗായികയാണ് റിമി ടോമി. ഗായികയും,അവതാരകയും, നടിയുമായ താരം കൊറോണകാലത്ത് നിരവധി പരീക്ഷണങ്ങളാണ് നടത്തിയത്. വർക്കൗട്ട് ചെയ്ത് ശരീരഭാരം കുറച്ച് വലിയ മേക്കോവറാണ് റിമി നടത്തിയത്. തന്റെ
പുതിയ യൂട്യൂബ് ചാനലിലൂടെ വർക്കൗട്ടും മേക്കോവറുകളും പങ്കുവെക്കുകയും ചെയ്തിരുന്നു.

ഇപ്പോഴിതാ വനിതയുടെ ദിസ് ഓർ ദാറ്റ് എന്ന ചോദ്യോത്തര പംക്തിയിലൂടെ ആരാധകർ കേൾക്കാൻ കാത്തിരുന്ന ചോദ്യങ്ങൾക്ക് രസകരമായ രീതിയിൽ ഉത്തരങ്ങളുമായി എത്തിയിരിക്കുകയാണ് റിമി ടോമി. എല്ലാവര്ക്കും അറിയേണ്ടത് ഒന്ന് മാത്രമാണ് റിമിയുടെ സൗധര്യ രഹസ്യം എന്തെന്ന്.

മേക്കപ്പ് ഇല്ലാതെ എന്നെ കാണാൻ ഭയങ്കര സുന്ദരിയാണ്. പക്ഷേ നിങ്ങൾ കണ്ടിട്ടുണ്ടാവില്ല അല്ലേ? എന്നെങ്കിലും ഒരു ദിവസം അതിനുള്ള അവസരം ഞാൻ ഒരുക്കി തരുന്നതായിരിക്കും. ഒരു മാറ്റവുമില്ലെന്ന് നിങ്ങൾ തന്നെ വിചാരിക്കും അല്ലേ?. മേക്കപ്പില്ലാതെ പുറത്തിറങ്ങാൻ പറ്റാത്ത അവസ്ഥയൊന്നും എനിക്കില്ല. ഇൻസ്റ്റാഗ്രാമിലൊക്കെ അങ്ങനെയുള്ള ഫോട്ടോസ് ഇടാറുണ്ട്. എന്നെ കാണാൻ നല്ലത് മേക്കപ്പ് ഇല്ലാതെ കാണുന്നതാണെന്ന് പറഞ്ഞ് കേട്ടിട്ടുണ്ട്. പക്ഷേ മേക്കപ്പ് ഇട്ട് കഴിഞ്ഞാൽ അതിന്റേതായ വ്യത്യാസം വേറെ ഉണ്ടാവും. അങ്ങനെ എങ്കിൽ മേക്കപ്പ് ഇടുന്നതല്ലേ നല്ലത്. മേക്കപ്പ് ഇടാത്തത് കൊള്ളില്ലല്ലോ എന്നിങ്ങനെ രസകരമായ മറുപടികളാണ് റിമി നൽകിയത്.