GeneralLatest NewsMollywood

ഇന്നായിരുന്നെങ്കില്‍ മമ്മൂട്ടി എന്ന നടന്‍ ഇത് പറയാന്‍ തയാറാകുമെന്നു തോന്നുന്നില്ല; അശ്വതിയ്ക്ക് മറുപടിയുമായി ആരാധകർ

എനിക്ക് മാത്രമല്ല ഇപ്പോള്‍ ഇത് കാണുന്ന എല്ലാവര്‍ക്കും ഇതിലെ അപാകത മനസ്സിലാകുന്നുണ്ട്

മമ്മൂട്ടിയുടെ 2001ല്‍ പുറത്തിറങ്ങിയ ‘ദുബായ്’ എന്ന ചിത്രത്തിലെ സ്ത്രീ വിരുദ്ധത ചൂണ്ടികാണിച്ച്‌ അവതാരകയും നടിയുമായ അശ്വതി ശ്രീകാന്ത്. ചിത്രത്തിലെ ഒരു പ്രൊപ്പോസിങ് സീന്‍ പങ്കുവച്ച അശ്വതി ഇന്നാണെങ്കില്‍ ഇങ്ങനെയൊരു ഡയലോഗ് എഴുതാനോ, മമ്മൂട്ടി എന്ന നടന്‍ അത് പറയാനോ തയാറാകുമായിരുന്നില്ലെന്നു കുറിക്കുന്നു.

”ഞാന്‍ ഈ സിനിമ കണ്ടിട്ടില്ല. ഇനി കണ്ടിരുന്നേല്‍ തന്നെ ആ കാലത്ത് പ്രത്യേകിച്ച്‌ ഒന്നും തോന്നുകയും ഇല്ലായിരുന്നിരിക്കണം. പക്ഷേ ഇപ്പൊ തോന്നുന്നുണ്ട്, എനിക്ക് മാത്രമല്ല ഇപ്പോള്‍ ഇത് കാണുന്ന എല്ലാവര്‍ക്കും ഇതിലെ അപാകത മനസ്സിലാകുന്നുണ്ട്. ഇന്നാണെങ്കില്‍ ഇത്തരമൊരു ഡയലോഗ് ഗ്ലോറിഫൈ ചെയ്ത് എഴുതാന്‍ ഒരു സ്‌ക്രിപ്റ്റ് റൈറ്ററും തയ്യാറാകുമെന്ന് തോന്നുന്നില്ല.

read also:വലുപ്പമോ ശരീരഘടനയോ അല്ല സൗന്ദര്യത്തിന്റെ അളവുകോല്‍; ന്യൂഡിറ്റി ഫോട്ടോ ഷൂട്ടുമായി നടി വനിത

ഇന്നായിരുന്നെങ്കില്‍ മമ്മൂട്ടി എന്ന നടന്‍ ഇത് പറയാന്‍ തയാറാകുമെന്നും തോന്നുന്നില്ല. അപ്പൊ നമ്മള് മാറിയിട്ടുണ്ട്. എഴുതിയിട്ടും പറഞ്ഞിട്ടും കാര്യമില്ലെന്നും ഇവിടൊന്നും മാറാന്‍ പോകുന്നില്ലെന്നും പറഞ്ഞവരോടാണ്…നമ്മള്‍ മാറുന്നുണ്ട്. ഇനിയും മാറും.” അശ്വതി കുറിച്ചു

നിരവധി പേരാണ് പോസ്റ്റിന് കമന്റുമായി എത്തിയത്. ‘ചേച്ചീ അല്ലേ വീട്ടിലെ എല്ലാ പെണ്ണുങ്ങളും ജോലിക്ക് പോയ അടുക്കള പണി ചെയ്യാന്‍ വീട്ടില്‍ ആരും ഇല്ലെന്ന് പറയുന്ന ഭര്‍ത്താവ് ഉള്ള സീരിയല്‍ ഉള്ളത്. അത് എന്താ നിങ്ങള്‍ ഇടുമ്ബോള്‍ ബര്‍മുഡ നമ്മള്‍ ഇടുമ്ബോള്‍ വള്ളി നിക്കര്‍’ എന്നായിരുന്നു ഒരാളുടെ കമന്റ്. ‘ആണുങ്ങള്‍ വീട്ടച്ഛന്‍ ആവുന്നതും ഒരു കുറവല്ലെന്നും പറഞ്ഞിരുന്നു, കേട്ടിരുന്നോ’ എന്നാണ് അശ്വതി നല്‍കിയ മറുപടി.

Related Articles

Post Your Comments


Back to top button