BollywoodGeneralLatest NewsMollywoodMovie GossipsNEWS

പണം വാങ്ങി വ‌ഞ്ചിച്ചെന്ന പരാതി ; പ്രതികരണവുമായി സണ്ണി ലിയോൺ

സംഘാടകനാണ് വീഴ്ച പറ്റിയതെന്ന് സണ്ണി ലിയോൺ

ഉദ്ഘാടന ചടങ്ങിൽ പങ്കെടുക്കാൻ പണം വാങ്ങി വ‌ഞ്ചിച്ചെന്ന പരാതിയിൽ പ്രതികരണവുമായി നടി സണ്ണി ലിയോൺ. പണം വാങ്ങിയെന്നത് സത്യമാണെന്നും ചടങ്ങ് സംഘടിപ്പിക്കുന്നതിൽ സംഘാടകനാണ് വീഴ്ച പറ്റിയതെന്നും സണ്ണി ലിയോൺ. ക്രൈം ബ്രാഞ്ചിന് നൽകിയ മൊഴിയിലാണ് സണ്ണി ഇക്കാര്യം വ്യക്തമാക്കിയത്.

പണം മാനേജർ കൈപ്പറ്റി എന്നത് സത്യമാണ്. ഉദ്ഘാടന ചടങ്ങിനായി അഞ്ച് വട്ടം താൻ സംഘാടകർക്ക് ഡേറ്റ് നൽകിയിരുന്നു. എന്നാൽ ആ ദിവസങ്ങളിൽ പരിപാടി നടത്താൻ അവർക്കായില്ല. പിന്നീട് പല അസൗകര്യങ്ങളും ഉണ്ടായെന്നും സണ്ണി മൊഴി നൽകി. പണം തന്‍റ കൈയ്യിലുള്ളതിനാൽ ഉചിതമായ മറ്റൊരു ഡേറ്റിൽ പരിപാടിയിൽ പങ്കെടുക്കാൻ
തയ്യാറാണെന്നും സണ്ണി ലിയോൺ വ്യക്തമാക്കിയിട്ടുണ്ട്. നടിയുടെ മൊഴിയുടെ അടിസ്ഥാനത്തിൽ സംഘാടകരിൽ നിന്ന് ക്രൈം ബ്രാഞ്ച് വീണ്ടും വിവരങ്ങൾ ശേഖരിക്കും.

തിരുവനന്തപുരം പൂവാറിലെ റിസോർട്ടിൽ വെച്ച് ഇക്കഴിഞ്ഞ വ്യാഴാഴ്ചയാണ് ക്രൈം ബ്രാ‌ഞ്ച് ഡിവൈഎസ്പി ഇമ്മാനുവൽ പോളിന്‍റെ നേതൃത്വത്തിൽ സണ്ണി ലിയോണിന്‍റെ മൊഴി എടുത്തത്. കൊച്ചിയിലെ വിവിധ ഉദ്ഘാടന ചടങ്ങിൽ പങ്കെടുക്കാൻ 29 ലക്ഷം രൂപ അഡ്വാൻസ് വാങ്ങിയ ശേഷം നടി വ‌ഞ്ചിച്ചെന്ന പരിപാടിയിലാണ് നടപടി. സണ്ണി ലിയോണിന്‍റെ മാനേജർ ആണ് കൈപ്പറ്റിയതെന്ന് പെരുമ്പാവൂർ സ്വദേശി ഷിയാസ് ഡിജിപിയ്ക്ക് നൽകിയ പരാതിയിൽ പറയുന്നത്.

shortlink

Related Articles

Post Your Comments


Back to top button