“പി​റന്നാളുകാരി​ ഉറങ്ങി​പ്പോയ പാര്‍ട്ടി”…; ഒരു പിറന്നാൾ ഓർമ്മ പങ്കുവെച്ച് ദുല്‍ഖര്‍ സല്‍മാന്‍

മോഹന്‍ലാലിന്‍റെ മകള്‍ വി​സ്മയയുടെ പുസ്തകമായ “ഗ്രെയിന്‍സ് ഓഫ് സ്റ്റാര്‍ഡസ്റ്റ്” പുറത്തി​റങ്ങി​യ നിമിഷത്തില്‍ വി​സ്മയയ്ക്ക് ആശംസയര്‍പ്പി​ച്ചുക്കൊണ്ട് കുട്ടി​ക്കാലത്തെ രസകരമായ ഓര്‍മ്മകള്‍ പങ്കുവെച്ചിരിക്കുകയാണ് താര പുത്രനും നടനുമായ ദുല്‍ഖര്‍ സല്‍മാന്‍. വിസ്മയയുടെ ഒന്നാം പി​റന്നാള്‍ ആഘോഷവേളയി​ലുണ്ടായ സംഭവമാണ് ദുല്‍ഖര്‍ ഓര്‍ത്തെടുത്ത് ഫെയ്സ്‌ബുക്കിലൂടെ കുറിച്ചിരിക്കുന്നത്.

Read Also: ഐഎഫ്കെയിൽ നിറ സാന്നിധ്യമായി ട്രാൻസ്ജെൻഡേഴ്സ്

“ചെന്നൈയി​ലെ താജ് കോറമണ്ടലി​ല്‍ മായയുടെ (വിസ്മയ മോഹൻലാൽ) ആദ്യ പി​ന്നറാള്‍ ദി​നമായി​രുന്നു അന്ന്. അച്ഛനും അമ്മയും അവള്‍ക്കായി​ ഗംഭീരപാര്‍ട്ടി​യാണ് സംഘടി​പ്പി​ച്ചി​രുന്നത്. ഏറെ മനോഹരമായ സ്വര്‍ണ നിറത്തി​ലുളള ഒരു വസ്ത്രമായി​രുന്നു അവള്‍ ധരി​ച്ചി​രുന്നത്. പക്ഷേ, ആഘോഷങ്ങള്‍ ആരംഭി​ച്ചപ്പോള്‍ മായയെ കാണാനി​ല്ല. തി​രക്കി​യപ്പോള്‍ അവള്‍ ഉറങ്ങി​പ്പോയെന്ന് അമ്മ പറഞ്ഞു. പി​റന്നാളുകാരി​ ഉറങ്ങി​പ്പോയ പാര്‍ട്ടി​ എന്നനി​ലയി​ല്‍ ഞാന്‍ എപ്പോഴും അതോര്‍ക്കും.

Read Also: ഐഎഫ്എഫ്കെ ; ഫോട്ടോ പ്രദര്‍ശനം ഉദ്ഘാടനം ചെയ്തു

https://www.facebook.com/DQSalmaan/posts/3165122610256862

ഇപ്പോള്‍ എല്ലാവരും വളര്‍ന്നു. അവര്‍ സ്വന്തം വഴി​കള്‍ തി​രഞ്ഞെടുത്തുകഴി​ഞ്ഞു. പി​റന്നാള്‍ ദി​നത്തി​ല്‍ ഉറങ്ങി​യ കുട്ടി​ ഇന്നൊരു എഴുത്തുകാരി​യാണ്. ചി​ന്തകളും കവി​തകളും കുത്തി​ക്കുറി​ക്കലുകളുമാണ് പുസ്തകത്തി​ലുളളത്. അവളുടെ ചി​ന്തകളെയും കാഴ്പ്പാടുകളെയും ജീവി​താനുഭവങ്ങളെക്കുറി​ച്ചും അത്ഭുതകരമായ ഉള്‍ക്കാഴ്ച നല്‍കുന്നതാണ് ആ പുസ്തകം. അത് എന്‍റെ ഏറ്റവും പ്രിയങ്കരങ്ങളിലൊന്നാണ്. നിനക്ക് എന്‍റെ എല്ലാവിധ ആശംസകളും… ആദ്യ പുസ്തകത്തിന്‍റെ വിജയത്തിന്‍റെ ഭാഗമായി സംഘടിപ്പിക്കുന്ന പാര്‍ട്ടിയില്‍ ദയവായി നേരത്തെ ഉറങ്ങരുത്” – ദുല്‍ഖറിന്‍റെ നർമ്മം ചാലിച്ച കുറിപ്പിൽ പറയുന്നു.