എന്നെ കളിയാക്കാൻ എന്തെങ്കിലും ഒരു കാരണം അദ്ദേഹം കണ്ടെത്തും ; മോഹൻലാലിനൊപ്പമുള്ള അനുഭവം പങ്കുവെച്ച് എസ്തർ

ബാലതാരമായി എത്തി ദൃശ്യം സിനിമയിലൂടെ ഏറെ ശ്രദ്ധിക്കപ്പെട്ട നടിയാണ് എസ്തർ. ദൃശ്യം രണ്ടാം ഭാഗം പുറത്തിറങ്ങിയപ്പോൾ സോഷ്യൽ മീഡിയയിൽ ചർച്ചയായതും എസ്തേറിന്റെ വിശേഷങ്ങളായിരുന്നു.

ഇപ്പോഴിതാ സിനിമയുടെ ചിത്രീകരണത്തിനിടയിലുണ്ടായ അനുഭവങ്ങളും മോഹൻലാലിനെക്കുറിച്ചും തുറന്നുപറയുകയാണ് എസ്തർ. മോഹൻലാലിനൊപ്പമുള്ള മനോഹരമായ ചിത്രങ്ങളും എസ്തർ പങ്കുവച്ചു.

https://www.instagram.com/p/CLi11oPpFa_/?utm_source=ig_web_copy_link

എസ്തറിന്റെ പോസ്റ്റ്

“സെറ്റിൽ എന്നെ ഏറ്റവും കൂടുതൽ ശല്യപ്പെടുത്തിയിരുന്ന ആൾ തന്നെയായിരുന്നു എന്റെ ഏറ്റവും പ്രിയപ്പെട്ട ആളും. ദൃശ്യം 2ന്റെ ചിത്രീകരണം ആരംഭിച്ചപ്പോൾ ചെയ്തു തീർക്കാനുള്ള അസൈൻമെന്റുകളെ കുറിച്ചും എഴുതാനിരിക്കുന്ന പരീക്ഷകളെ കുറിച്ചുമൊക്കെ ആലോചിച്ച് വിഷമിച്ചും ആശങ്കപ്പെട്ടുമാണ് ഞാൻ എന്നും സെറ്റിലെത്തിയിരുന്നത്. എന്നാൽ മനോഹരമായൊരു പുഞ്ചിരിയോടെ ശുഭദിനം നേർന്നുകൊണ്ട് ഈ മനുഷ്യൻ അടുത്തുവരും. ഒരിക്കൽ മാത്രമല്ല, എല്ലാ ദിവസവും. എന്റെ ദിവസത്തെ പ്രകാശപൂരിതമാക്കാൻ അത് ധാരാളമായിരുന്നു.

എന്ത് സംഭവിച്ചാലും എന്നെ കളിയാക്കാൻ എന്തെങ്കിലും ഒരു കാരണം അദ്ദേഹം കണ്ടെത്തും, മീനയും അൻസിബയും അദ്ദേഹത്തിന്റെ ടീമിൽ ചേരും. പക്ഷെ എന്തുകൊണ്ട്? എന്തുകൊണ്ടായിരുന്നു എന്നെമാത്രം എപ്പോഴും നിങ്ങൾ ലക്ഷ്യമിട്ടിരുന്നത്. തമാശകൾക്കപ്പുറം ദൃശ്യം 2ന്റെ ചിത്രീകരണ സമയം ഞങ്ങൾക്കൊക്കെ ഏറ്റവും മനോഹരങ്ങളായ ദിവസങ്ങളായിരുന്നു. കൂടെ പ്രവർത്തിക്കാൻ ഏറ്റവും മനോഹരവും, സന്തോഷവാനും തമാശക്കാരനുമായ ഒരാളായതിൽ ഒരുപാട് നന്ദി ലാലങ്കിൾ. ഒത്തിരി സ്നേഹം,” എന്നാണ് എസ്തർ കുറിച്ചത്.