BollywoodGeneralLatest NewsNEWSSocial Media

പൃഥ്വി ‘ദി ഗ്രേറ്റ് ഇന്ത്യന്‍ കിച്ചണിന്റെ’ സംവിധായകനോട് ഇക്കാര്യം പറയണം ; പൃഥ്വിരാജിന് സന്ദേശം അയച്ച് റാണി മുഖര്‍ജി

ബാഡ്‍മിന്‍റണ്‍ താരം ജ്വാല ഗുട്ട ചിത്രത്തിന് പ്രശംസയുമായി രംഗത്തെത്തിയിരുന്നു

ദി ഗ്രേറ്റ് ഇന്ത്യന്‍ കിച്ചണിന് അഭിനന്ദനങ്ങളുമായി ബോളിവുഡ് നടി റാണി മുഖര്‍ജി. നീസ്ട്രീം എന്ന ഒടിടി പ്ലാറ്റ്ഫോമിലൂടെ റിലീസ് ചെയ്ത ചിത്രം കഴിഞ്ഞ ദിവസമാണ് ആമസോൺ പ്രൈമിലൂടെ വീണ്ടും പ്രേഷകർക്കിടയിലേക്കെത്തിയത്. ഇതോടെ വീണ്ടും സിനിമ ചർച്ചചെയ്യപ്പെടുകയാണ്. സുഹൃത്ത് പൃഥ്വിരാജിലൂടെയാണ് സംവിധായകന്‍ ജിയോ ബേബിക്ക് നല്‍കാനുള്ള മെസേജ് റാണി മുഖര്‍ജി അയച്ചത്.

“പൃഥ്വി, ഇത് ഞാനാണ്. ദി ഗ്രേറ്റ് ഇന്ത്യന്‍ കിച്ചണ്‍ എന്ന ഒരു സിനിമയുണ്ട്. ഞാനത് കണ്ടു. അത് ഗംഭീരമാണെന്ന് തോന്നി. ഞാന്‍ ആ സിനിമ ഏറെ ഇഷ്‍ടപ്പെട്ടുവെന്നും സമീപകാല ഇന്ത്യന്‍ സിനിമയിലെ ഏറ്റവും മികച്ചവയില്‍ ഒന്നാണ് അതെന്നും ദയവായി അതിന്‍റെ സംവിധായകനോട് പറയുമോ.. നിങ്ങളുടെ പേര് അതില്‍ കണ്ടു. അതിനാല്‍ ഈ മെസേജ് പൃഥ്വി വഴി അയക്കാമെന്ന് കരുതി. വളരെ നല്ല ചിത്രമാണ് അത്”, പൃഥ്വിരാജിന് അയച്ച സന്ദേശത്തില്‍ റാണി മുഖര്‍ജി കുറിക്കുന്നു. താന്‍ ഇനിയും ചിത്രം കണ്ടിട്ടില്ലെന്ന് അറിയിക്കുന്ന പൃഥ്വിരാജ് ജിയോ നേടിയ വലിയ വിജയത്തിന് ആശംസകളും അറിയിച്ചിട്ടുണ്ട്.

https://www.facebook.com/jeobaby/posts/10223626527826643

‘കിലോമീറ്റേഴ്സ് ആന്‍ഡി കിലോമീറ്റേഴ്സ്’ എന്ന ചിത്രത്തിനു ശേഷം ജിയോ ബേബി സംവിധാനം ചെയ്ത ചിത്രമാണ് ‘ദി ഗ്രേറ്റ് ഇന്ത്യന്‍ കിച്ചണ്‍’. സംവിധായകന്‍ തന്നെ രചനയും നിര്‍വ്വഹിച്ചിരിക്കുന്ന ചിത്രത്തിന്‍റെ ഛായാഗ്രഹണം സാലു കെ തോമസ് ആണ്. എഡിറ്റിംഗ് ഫ്രാന്‍സിസ് ലൂയിസ്. സംഗീതം സൂരജ് എസ് കുറുപ്പ്. ഡിജോ അഗസ്റ്റിന്‍, ജോമോന്‍ ജേക്കബ്, വിഷ്ണു രാജന്‍, സജിന്‍ എസ് രാജ് എന്നിവര്‍ ചേര്‍ന്നാണ് നിര്‍മ്മാണം. കൈകാര്യം ചെയ്ത വിഷയത്തിന്‍റെ പ്രാധാന്യവും അവതരണത്തിലെ മൂര്‍ച്ഛയും കൊണ്ട് ആദ്യദിനത്തില്‍ തന്നെ ചിത്രം വലിയ അഭിപ്രായം നേടി. കണ്ടവര്‍ കണ്ടവര്‍ സോഷ്യല്‍ മീഡിയയിലൂടെ മികച്ച അഭിപ്രായം പങ്കുവച്ചതോടെ ചിത്രം കൂടുതല്‍ പ്രേക്ഷകരിലേക്ക് എത്തുകയായിരുന്നു.

നേരത്തെ ബാഡ്‍മിന്‍റണ്‍ താരം ജ്വാല ഗുട്ട ചിത്രത്തിന് പ്രശംസയുമായി രംഗത്തെത്തിയിരുന്നു.
ഈ മാസം 2ന് ആയിരുന്നു ചിത്രത്തിന്‍റെ ആമസോണ്‍ പ്രൈം റിലീസ്.

shortlink

Related Articles

Post Your Comments


Back to top button