CinemaGeneralMollywoodNEWS

‘ഇത് പോലെയൊരു മരുമകളെ നല്‍കിയതിനു ഒരായിരം നന്ദി’: ജോമോളെക്കുറിച്ച് ഭര്‍തൃമാതാവ്

മോളി ഇത് പോലെയൊരു മരുമകളെ തന്നതിന് ദൈവത്തിനും നിങ്ങള്‍ക്കും നന്ദി

സിനിമയില്‍ ചെയ്ത പോസിറ്റീവ് കഥാപാത്രങ്ങള്‍ക്ക് പുറമേ തന്‍റെ കുടുംബ ജീവിതത്തിലും മാതൃകപരമായ ജീവിതം നയിക്കുന്ന നടി ജോമോളെക്കുറിച്ച് അമ്മ മോളി ഒരു വേറിട്ട അനുഭവം പങ്കുവയ്ക്കുകയാണ്. വിവാഹ ശേഷം ജോമോളിന്റെ ഭര്‍തൃമാതാവ് പറഞ്ഞ അനുഭവത്തെക്കുറിച്ചാണ് ഒരു ചാനല്‍ പ്രോഗ്രാമിനിടെ ജോമോളിന്റെ അമ്മയുടെ തുറന്നു പറച്ചില്‍. തന്റെ ജീവിതത്തില്‍ താന്‍ കേട്ട ഏറ്റവും സന്തോഷം നിറഞ്ഞ കാര്യം അതാണെന്നും ജോമോളുടെ അമ്മ പറയുന്നു. ഇത്രയും നല്ല മരുമകളെ നല്‍കിയതിനു നിങ്ങളുടെ കുടുംബത്തിനോട് നന്ദിയുണ്ടെന്നു ജോമോളിന്റെ ഭര്‍തൃമാതാവ് പറഞ്ഞതാണ് മകളെക്കുറിച്ച് ഓര്‍ക്കാന്‍ തോന്നുന്ന അഭിമാന നിമിഷമെന്നും താരത്തിന്റെ അമ്മ പറയുന്നു.

ജോമോളിന്റെ അമ്മയുടെ വാക്കുകള്‍

“എന്റെ മകളെക്കുറിച്ച് ഞാന്‍ പറയുന്നത് അതൊരു പുകഴ്ത്തലായി പോകും. അതേ സമയം മകളുടെ ഭര്‍തൃമാതാവ്  ഗീത എന്നെ രണ്ടു മൂന്ന്‍ പ്രാവശ്യം വിളിച്ചു പറഞ്ഞു. ‘മോളി ഇത് പോലെയൊരു മരുമകളെ തന്നതിന് ദൈവത്തിനും നിങ്ങള്‍ക്കും നന്ദി. അതിന്‍റെ ക്രെഡിറ്റ് മോളിക്കാണ്. നിങ്ങള്‍ക്കാണ് നിങ്ങളുടെ കുടുംബത്തിനാണ്‌ എന്നൊക്കെ. ഇനി എനിക്കൊരു ജന്മമുണ്ടെങ്കില്‍ എനിക്ക് നിങ്ങളുടെ മകളെ മരുമകളായി തരണം, അതിനു നിങ്ങളുടെ മകളായി പിറക്കണം. അടുത്ത ജന്മവും എനിക്ക് മരുമകളായി ഇവള്‍ മതി’, അങ്ങനെയൊക്കെ പറഞ്ഞപ്പോള്‍ ശരിക്കും കണ്ണുനിറഞ്ഞു”.

shortlink

Related Articles

Post Your Comments


Back to top button