അവളെ രക്ഷിക്കാനാവാത്തതിൽ വിഷമമുണ്ട് ; വിമാനത്തിൽ ഹൈദരാബാദിലെത്തിച്ച പെൺകുട്ടിയുടെ മരണത്തിൽ സോനു സൂദ്

കൊവിഡ് ബാധിച്ച നാഗ്പൂര്‍ സ്വദേശിയായ ഭാരതിയുടെ മരണത്തില്‍ ദുഃഖം അറിയിച്ച് നടന്‍ സോനൂ സൂദ്. നാഗ്പൂരില്‍ നിന്ന് ഭാരതിയെ വിദഗ്ദ ചികിത്സക്കായി ഹൈദരാബാദില്‍ വിമാനമാര്‍ഗം എത്തിച്ചത് സോനൂ സൂദായിരുന്നു. അവളെ രക്ഷിക്കാനാവാത്തതില്‍ വിഷമമുണ്ടെന്നും സോനൂ
തന്റെ ട്വിറ്ററില്‍ കുറിച്ചു.

ഇസിഎംഓ മിഷീനില്‍ ഭാരതി ജീവന് വേണ്ടി ഒരു മാസത്തോളം പൊരുതി. അവളുടെ കുടുംബത്തിനും അവള്‍ക്ക് വേണ്ടി പ്രാര്‍ത്ഥിച്ചവര്‍ക്കും വേണ്ടി താന്‍ പ്രാർത്ഥിക്കുന്നുവെന്നും സോനൂ സൂദ് വ്യക്തമാക്കി.

Bharti, a young girl from Nagpur whom I airlifted on an air ambulance to Hyderabad passed away last night.She battled for her life on an ECMO machine for a month. My heart goes out to the family members and everyone who prayed for her.Wish I could save her. Life is so unfair 💔

— sonu sood (@SonuSood) May 8, 2021

നേരത്തെ സോനു സൂദ് ഭാരതിയെ ആകാശമാര്‍ഗം ആശുപത്രിയിലെത്തിച്ചത് വാര്‍ത്തകളില്‍ ഇടം നേടിയിരുന്നു. കൊവിഡ് ബാധ മൂലം ഭാരതിയുടെ ശ്വാസകോശം മുഴുവന്‍ തകാറിലായ അവസ്ഥയായിരുന്നു. ശ്വാസകോശം മാറ്റിവെക്കുകയോ വിദഗ്ദ്ധ ചികിത്സ നല്‍കുകയോ ചെയ്യണമെന്ന് ഡോക്ടര്‍മാര്‍ അറിയിച്ചിരുന്നു. ഉടന്‍ തന്നെ നടന്‍ അപ്പോളോ ആശുപത്രി അധികൃതരുമായി ബന്ധപ്പെടുകയും എയര്‍ ആംബുലന്‍സ് ഒരുക്കുകയുമാണ് ഉണ്ടായത്.