CinemaGeneralMollywoodNEWS

സ്ഫടികത്തിന്‍റെ കോസ്റ്റ്യൂം ഏറ്റെടുത്തത് മറ്റൊരു ഓഫര്‍ ലഭിച്ചതിനാല്‍!: ഓര്‍മ്മകള്‍ പങ്കുവച്ചു ഇന്ദ്രന്‍സ്

ഗാന്ധിമതി ബാലന്‍ സാര്‍ എന്നോട് പറഞ്ഞത് ആ സിനിമയുടെ കോസ്റ്റ്യൂം ഏറ്റെടുത്താല്‍ നിനക്കൊരു വേഷം ചെയ്യാന്‍ അവസരം കിട്ടുമെന്ന്

‘സിഐഡി ഉണ്ണികൃഷ്ണന്‍ ബിഎബിഎഡ്’ എന്ന രാജസേനന്‍ ചിത്രത്തിന് ശേഷം ഇന്ദ്രന്‍സ് എന്ന നടന്റെ കത്രികയ്ക്ക് വിശ്രമം ആയിരുന്നുവെന്നു ഇന്ദ്രന്‍സ് തന്നെ പല അഭിമുഖങ്ങളിലും പങ്കുവച്ചിട്ടുണ്ട്. ആ സിനിമയിലെ വേഷം ശ്രദ്ധിക്കപ്പെട്ടതോടെ കോസ്റ്റ്യൂം രംഗത്ത് നിന്ന് ഇന്ദ്രന്‍സ് എന്ന നടന്‍ മലയാള സിനിമയുടെ  അഭിനയ കളരിയിലേക്ക്  ചുവടു മാറ്റിയിരുന്നു. അഭിനയത്തില്‍ തിരക്കേറിയ താന്‍ ‘സ്ഫടികം’ എന്ന സിനിമയുടെ കോസ്റ്റ്യൂം  ഏറ്റെടുത്തതിനെക്കുറിച്ച് തുറന്നു പറയുകയാണ് താരം.

“സ്ഫടികം എന്ന സിനിമയില്‍ അഭിനയിക്കാന്‍ അവസരം ഉണ്ടെന്നു അറിഞ്ഞത് കൊണ്ടാണ് ആ സിനിമയുടെ കോസ്റ്റ്യൂം ചെയ്യാന്‍ തീരുമാനിച്ചത്. വലിയൊരു പുലിമട ആയിരുന്നല്ലോ അതിന്റെ സെറ്റ്. ഭദ്രന്‍ സാറും, തിലകന്‍ സാറും ലാല്‍ സാറുമൊക്കെ. കേള്‍ക്കുമ്പോള്‍ തന്നെ ഒരു വിറയല്‍ വരും. ഗാന്ധിമതി ബാലന്‍ സാര്‍ എന്നോട് പറഞ്ഞത് ആ സിനിമയുടെ കോസ്റ്റ്യൂം ഏറ്റെടുത്താല്‍ നിനക്കൊരു വേഷം ചെയ്യാന്‍ അവസരം കിട്ടുമെന്ന്. അങ്ങനെയാണ് അതിലേക്ക് പോകുന്നത്. ലാല്‍ സാറിനൊപ്പം അഭിനയിക്കുക എന്ന് പറയുന്നത് പേടിയുള്ള കാര്യമായിരുന്നു. നമ്മളിങ്ങനെ ചെറിയ കോമഡി റോള്‍ ഒക്കെ കളിച്ചു നടക്കുമ്പോഴായിരുന്നു അത്രയും വലിയ ഒരു സിനിമയില്‍ അവസരം കിട്ടുന്നത്. അത് എന്തായാലും മാക്സിമം വിനിയോഗിച്ചു”.

shortlink

Related Articles

Post Your Comments


Back to top button