തികച്ചും സത്യസന്ധം ; ‘ഗ്രേറ്റ് ഇന്ത്യൻ കിച്ചൺ, നായാട്ട്’ സിനിമകളെ പ്രശംസിച്ച് ബോളിവുഡ് സംവിധായകൻ ഹൻസൽ മേത്ത

മലയാള സിനിമകളെ പ്രശംസിച്ച് ബോളിവുഡ് സംവിധായകൻ ഹൻസൽ മേത്ത. ജിയോ ബേബി സംവിധാനം ചെയ്ത ഗ്രേറ്റ് ഇന്ത്യന്‍ കിച്ചണ്‍, മാര്‍ട്ടിന്‍ പ്രക്കാട്ടിന്റെ നായാട്ട് എന്നീ സിനിമകളെ പ്രശംസിച്ചുകൊണ്ട് സോഷ്യൽ മീഡിയയിലൂടെ ഹൻസൽ രംഗത്തെത്തിയത്.
അലിഗഡ്, ഒമെര്‍ത്ത, സ്‌കാം 1992 (വെബ് സീരീസ്) എന്നിവ ഒരുക്കിയ സംവിധായകനാണ് ഹന്‍സല്‍ മേത്ത.

‘കരുത്തുറ്റ ചിത്രമാണ് നായാട്ട്. ഉദ്വേഗം സൃഷ്ടിക്കുന്നതും സൂക്ഷ്മത പുലര്‍ത്തിയതുമായ സിനിമ. അതിഗംഭീര കഥാപാത്രങ്ങള്‍. മികച്ച സംവിധാനവും അഭിനയവും. കാണുക- ഹന്‍സല്‍ മേത്ത’ ട്വിറ്ററില്‍ കുറിച്ചു. അതിശക്തമായ വിഷയത്തെ വളരെ ലളിതമായി അവതരിപ്പിക്കുന്ന ചിത്രം എന്നാണ് ഗ്രേറ്റ് ഇന്ത്യന്‍ കിച്ചണിനെക്കുറിച്ച് അദ്ദേഹം അഭിപ്രായപ്പെട്ടത്. തീപ്പൊരി പ്രസംഗമില്ല, പൊങ്ങച്ചമില്ല, തികച്ചും സത്യസന്ധമാണെന്നും അദ്ദേഹം കൂട്ടിച്ചേര്‍ത്തു.

Watched The Great Indian Kitchen. Am just taken in by this new Malayalam cinema. Such maturity, economy and elegance while dealing with pertinent themes. No rabble rousing, no pompous dialogue, no preaching. Yet so much power in the story telling. Such honesty in the craft.

— Hansal Mehta (@mehtahansal) May 16, 2021