BollywoodGeneralLatest NewsNEWSUncategorized

ഫാദേ​ഴ്​സ്​ ഡേയിൽ മകന് രണ്ടരക്കോടിയുടെ കാർ നൽകിയെന്ന വാർത്ത: പ്രതികരണവുമായി സോനു സൂദ്

മകൻ‌ ഇഷാൻ സൂദിന്, മേഴ്‍സിഡസ് ബെൻസിന്റെ അത്യാഡംബര വാഹന വിഭാഗമായ മെയ്ബാക്കിന്‍റെ ജിഎൽഎസ് 600 എസ്‍യുവിയാണ് താരം സമ്മാനമായി നല്‍കിയതെന്നായിരുന്നു വാർത്ത

മുംബൈ : ഫാദേ​ഴ്​സ്​ ഡേയിൽ കോടികൾ വിലമതിപ്പുള്ള കാർ മകന് വാങ്ങി നൽകിയെന്ന വാർത്തയോട് പ്രതികരിച്ച് നടൻ സോനു സൂദ്. പ്രചരിക്കുന്നത് വ്യാജ വർത്തയാണെന്നും, മകന്​ വേണ്ടി താൻ കാർ വാങ്ങിയിട്ടില്ലെന്നും സോനു വ്യക്തമാക്കി. മൂത്ത മകനായ ഇഷാന്​ താരം മൂന്ന്​ കോടി രൂപ വിലമതിക്കുന്ന ഒരു ആഡംബര കാർ വാങ്ങിച്ചു നൽകിയെന്നാണ്​ നെറ്റിസൺസ്​ പ്രചരിപ്പിച്ചത്​​. എന്നാൽ ഒരു ട്രയലിന്​ വേണ്ടി​ കാർ വീട്ടിലേക്ക്​ കൊണ്ടുവന്നിരുന്നുവെന്നും അതുമായി തങ്ങള്‍ ഒരു ടെസ്റ്റ്​ ഡ്രൈവിനും പോകുക മാത്രമാണ് ചെയ്തതെന്നും സോനു പറയുന്നു.

‘പിതൃദിനത്തിൽ ഞാൻ എന്തിനാണ് എ​ന്‍റെ മകന് കാർ വാങ്ങിക്കൊടുക്കുന്നത്​? അവൻ എനിക്കല്ലേ ആ ദിവസം എന്തെങ്കിലും തരേണ്ടത്​…? എല്ലാത്തിലും ഉപരി, അത്​ എനിക്ക്​ വേണ്ടിയുള്ള ദിവസമല്ലേ. ഫാദേഴ്‌സ് ഡേയിൽ തന്‍റെ രണ്ട് ആൺമക്കൾക്ക് തനിക്ക്​ നൽകാൻ കഴിയുന്ന ഏറ്റവും നല്ല സമ്മാനം​ അവരുടെ സമയം തന്നോടൊപ്പം ചെലവഴിക്കുക എന്നതാണ്. അവർക്ക് വേണ്ടി ചെലവഴിക്കാൻ എനിക്ക്​ പൊതുവേ സമയമുണ്ടാവാറില്ല. അവർ വളരുകയാണിപ്പോൾ. അവർക്ക് അവരുടെതായ ജീവിതമുണ്ട്. അതുകൊണ്ട്, ദിവസം മുഴുവൻ ഒരുമിച്ച്​ ചെലവഴിക്കുന്നു എന്ന ആഡംബരമാണ്​​ ഞാൻ എനിക്ക്​ വേണ്ടി സമ്പാദിച്ചത്​ എന്ന്​ കരുതുന്നതായും’ സോനു പറഞ്ഞു.

മകൻ‌ ഇഷാൻ സൂദിന്, മേഴ്‍സിഡസ് ബെൻസിന്റെ അത്യാഡംബര വാഹന വിഭാഗമായ മെയ്ബാക്കിന്‍റെ ജിഎൽഎസ് 600 എസ്‍യുവിയാണ് താരം സമ്മാനമായി നല്‍കിയതെന്നായിരുന്നു കാര്‍ ടോഖ് ഉള്‍പ്പെടെയുള്ള ദേശീയ മാധ്യമങ്ങള്‍ നേരത്തെ റിപ്പോര്‍ട്ട് ചെയ്‍തിരുന്നത്. 2.43 കോടി രൂപയോളം വരുന്നതാണ് ഈ കാറിന്റെ വില.

shortlink

Related Articles

Post Your Comments


Back to top button