CinemaGeneralKollywoodLatest NewsNEWS

തമിഴ്നാട്ടിൽ ഇന്നുമുതൽ കൂടുതൽ തിയറ്ററുകൾ തുറക്കും

ആദ്യ റിലീസ് ചെയ്യുക കങ്കണയുടെ തലൈവി

ചെന്നൈ: തമിഴ്നാട്ടിൽ ഇന്നുമുതൽ കൂടുതൽ തിയറ്ററുകൾ തുറക്കും. കോവിഡ് സുരക്ഷാ പ്രോട്ടോക്കോളിന്റെ ഭാഗമായി എല്ലാ തിയറ്റർ ജീവനക്കാർക്കും രണ്ട് ഡോസ് വാക്സീനും നൽകിക്കഴിഞ്ഞു. അതേസമയം പുതിയ റിലീസുകൾ ഇല്ലാത്തതു തിയറ്റർ ഉടമകളെയും പ്രേക്ഷകരെ നിരാശപ്പെടുത്തുന്നുണ്ട്.

റിലീസുമായി ബന്ധപ്പെട്ട് തിയറ്റർ ഉടമകൾ വിതരണക്കാരുമായി ചർച്ചയിലാണ്. ധനുഷിന്റെ കർണൻ, കാർത്തിയുടെ സുൽത്താൻ തുടങ്ങിയ സിനിമകൾ വീണ്ടും തിയറ്ററിലെത്താൻ സാധ്യതയുണ്ടെന്നും തിയറ്റർ ഉടമകൾ പറയുന്നു. കൂടാതെ, പുതിയ സിനിമകളെക്കുറിച്ചുള്ള പ്രഖ്യാപനങ്ങൾ സെപ്റ്റംബർ ആദ്യവാരം മുതൽ ഉണ്ടാകുമെന്നാണു പ്രതീക്ഷ.

തുറന്ന തിയറ്ററുകൾ ഇപ്പോൾ പ്രദർശിപ്പിക്കുന്നത് ഹോളിവുഡ് സിനിമയായ കൺജറിംഗ് 3 തമിഴ് പതിപ്പ്, അക്ഷയ് കുമാർ അഭിനയിച്ച ബെൽ ബോട്ടം, ഗോഡ്സില്ല വേഴ്സസ് കോംഗ് എന്നീ സിനിമകളാണ്.

നിലവിൽ റിലീസ് പ്രഖ്യാപിച്ചിട്ടുള്ള ചിത്രം തമിഴ്‌നാട് മുൻ മുഖ്യമന്ത്രി ജെ ജയലളിതയുടെ ജീവിതം പറയുന്ന തലൈവിയാണ്. ചിത്രം സെപ്റ്റംബർ 10നു തിയറ്ററുകളിലെത്തും. കൂടാതെ ഒടിടി റിലീസ് ചെയ്ത സർപ്പട്ടെ പരമ്പരൈ അടക്കമുള്ള ചിത്രങ്ങളും തിയറ്ററുകളിലേക്കെത്തിയേക്കും.

shortlink

Related Articles

Post Your Comments


Back to top button