മകളുടെ ജന്മദിനത്തിൽ സ്‌പെഷ്യൽ ടാറ്റൂ പങ്കുവച്ച് നടി മഞ്ജു പിള്ള

കൊച്ചി : രണ്ടാഴ്ച മുമ്പായിരുന്നു നടി മഞ്ജു പിള്ളയുടെ മകളുടെ പിറന്നാൾ . അന്ന് മകള്‍ ദയയ്ക്ക് ആശംസകളർപ്പിച്ചു കൊണ്ട് മഞ്ജു പങ്കു വച്ച ഒരു വീഡിയോ‌ ആണ് ഇപ്പോൾ സോഷ്യൽ മീഡിയയിൽ വൈറൽ. മകളുടെ നെറ്റിയിൽ ചുംബിക്കുന്ന ചിത്രം കയ്യിൽ ടാറ്റൂ ചെയ്ത് മഞ്ജു ഇതിന്റെ വീഡിയോ‌ സമൂഹമാധ്യമത്തിൽ പങ്കുവച്ചു. ഈ ചിത്രത്തിനൊപ്പം ‘എന്റെ ആത്മാവ്’ (My Soul) എന്നും പച്ച കുത്തിയിട്ടുണ്ട്. ഇതാണ് എന്റെ ശരീരത്തിലെ ഏറ്റവും മികച്ച സമ്മാനം എന്നാണു വിഡിയോയ്ക്കൊപ്പം താരം കുറിച്ചത്.

‘നീ എത്ര ദൂരത്താണെങ്കിലും എന്റെ ഹൃദയം നിനക്കായി തുടിക്കുന്നു. ജന്മദിനാശംസകൾ എന്റെ പ്രിയപ്പെട്ട കുഞ്ഞേ. നിന്റെ ഈ ദിവസം സന്തോഷം കൊണ്ട് നിറയട്ടെ മോളൂ’- എന്നായിരുന്നു അന്ന് ആശംസയായി കുറിച്ചത്. മകൾക്കു വേണ്ടി ഒരു സർപ്രൈസ് പാർട്ടിയും സംഘടിപ്പിച്ചിരുന്നു.

സഹപ്രവർത്തകരുൾപ്പടെ നിരവധിപ്പേർ ടാറ്റൂ മനോഹരമായിരിക്കുന്നു എന്നു കമന്റ് ചെയ്തിട്ടുണ്ട്. ഏഴു മണിക്കൂറാണ് ടാറ്റൂ ചെയ്യാൻ വേണ്ടി വന്നതെന്നു മഞ്ജു ഒരു കമന്റിന് മറുപടിയായി കുറിച്ചു.