1983ല്‍ കെ. ഭാഗ്യരാജിന്റെ സംവിധാനത്തിലൊരുങ്ങിയ ‘മുന്താനൈ മുടിച്ച്’ എന്ന ചിത്രത്തിലൂടെയാണ് ഉര്‍വശി ആദ്യമായി നായികയായത്. തമിഴ് സിനിമയിലൂടെയായിരുന്നു താരം നായികാ പദവിയിലേക്കുയര്‍ന്നത്. ‘എതിര്‍പ്പുകള്‍’ എന്ന ചിത്രത്തിലായിരുന്നു താരം മലയാളത്തില്‍ ആദ്യമായി നായികയായി എത്തിയത്.
ഇപ്പോൾ തന്റെ സിനിമാ കരിയറിലെ 700-ാം സിനിമയിലഭിനയിക്കുന്ന ഉര്‍വശിക്ക് ആശംസകളുമായി എത്തിയിരിക്കുകയാണ് സംവിധായകന്‍ പ്രിയദര്‍ശന്‍. പ്രിയദര്‍ശന്റെ പുതിയ തമിഴ് ചിത്രമായ ‘അപ്പാത്ത’യാണ് താരത്തിന്റെ 700-ാം സിനിമ.
ഫേസ്ബുക്കിലൂടെയാണ് പ്രിയദര്‍ശന്‍ ഉര്‍വശിക്ക് ആശംസകള്‍ നേരുന്നത്. ‘മിഥുനത്തിന് ശേഷമുള്ള കൂടിച്ചേരല്‍. ഉര്‍വശിയുടെ 700-ാം ചിത്രമായ ‘അപ്പാത്ത’യില്‍ വീണ്ടും ഒന്നിക്കുന്നു’ എന്നാണ് പ്രിയദര്‍ശന്‍ പങ്കുവെച്ച പോസ്റ്റില്‍ കുറിച്ചത്.
2020ല്‍ അനൂപ് സത്യന്‍ സംവിധാനം ചെയ്ത ‘വരനെ ആവശ്യമുണ്ട്’ ആണ് താരത്തിന്റെ അവസാന മലയാള സിനിമ. ‘കേശു ഈ വീടിന്റെ നാഥന്‍’ ആണ് ഇനി ഉര്‍വശിയുടേതായി പുറത്തിറങ്ങാനുള്ള മലയാള ചിത്രം.
Leave a Comment