കൊച്ചി : മലയാള കുറ്റാന്വേഷണ സിനിമകളിലെ എക്കാലത്തെയും മികച്ച സീരീസായ സിബിഐ ഡയറിക്കുറിപ്പിന്റെ അഞ്ചാം ഭാഗത്തിന്റെ ചിത്രീകരണം കൊച്ചിയിൽ പുരോഗമിക്കുകയാണ്. ഇതിനിടെ ലൊക്കേഷനിലെത്തിയ വീഡിയോ പങ്കുവച്ച് മെഗാസ്റ്റാർ മമ്മൂട്ടി രംഗത്തെത്തി. സിബിഐ സീരീസിന്റെ മാസ്റ്റർപീസ് തീം മ്യൂസിക്കിന്റെ അകമ്പടിയോടെയാണ് വീഡിയോ പുറത്ത് വിട്ടിരിക്കുന്നത്.
കെ. മധു സംവിധാനം നിർവ്വഹിക്കുന്ന ചിത്രത്തിന്റെ തിരക്കഥയൊരുക്കിയിരിക്കുന്നത് എസ്.എൻ. സ്വാമിയാണ്. സ്വർഗചിത്ര അപ്പച്ചനാണ് നിർമാണം നിർവ്വഹിക്കുന്നത്.
1988-ൽ ഒരു സിബിഐ ഡയറിക്കുറിപ്പ് എന്ന പേരിലുള്ളതാണ് സേതുരാമയ്യർ സീരീസിലെ ആദ്യത്തെ ചിത്രം. നേരത്തെ ഇറങ്ങിയ നാലു ഭാഗങ്ങളും സൂപ്പർഹിറ്റുകളായിരുന്നു. 1989-ൽ ജാഗ്രത എന്ന പേരിൽ ഇറങ്ങിയ രണ്ടാമത്തെ ചിത്രവും ബോക്‌സോഫീസ് ഹിറ്റായിരുന്നു.
2004-ൽ നീണ്ട ഇടവേളയ്ക്കുശേഷം സേതുരാമയ്യർ സിബിഐ, 2005-ൽ നേരറിയാൻ സിബിഐ എന്നീ ചിത്രങ്ങളും എത്തി. നാലുഭാഗങ്ങളും പ്രദർശനവിജയം നേടിയ മലയാളത്തിലെ തന്നെ അപൂർവചിത്രമെന്ന റെക്കോഡും സേതുരാമയ്യർക്ക് സ്വന്തമാണ്. വീണ്ടും 13 വർഷങ്ങൾ നീണ്ട ഇടവേളയ്ക്ക് ശേഷമാണ് ചിത്രത്തിന്റെ അഞ്ചാം ഭാഗം അണിയറയിലൊരുങ്ങുന്നത്.
Post Your Comments