സമീപകാലത്ത് ശ്രദ്ധേയമായ ചിത്രങ്ങളിലൂടെ മലയാളി പ്രേക്ഷകൻ്റെ മനസ്സിൽ ഇടം നേടിയ ഇന്ദ്രൻസ് കേന്ദ്ര കഥാപാത്രത്തെ അവതരിപ്പിക്കുന്ന ‘നൊണ എന്ന ചിത്രത്തിൻ്റെ ചിത്രീകരണം ജനുവരി പതിനാലിന് വയനാട്ടിൽ ആരംഭിക്കുന്നു. മിസ്റ്റിക്കൽ റോസ് പ്രൊഡക്ഷൻസിൻ്റെ ബാനറിൽ ജേക്കബ് ഉതുപ്പ് നിർമ്മിക്കുന്ന ഈ ചിത്രം പ്രശസ്ത നാടക സംവിധായകനായ രാജേഷ് ഇരുളമാണ് സംവിധാനം ചെയ്യുന്നത്.
Also Read:കരഞ്ഞിട്ടുപോലും വെറുതെ വിട്ടില്ല, അയാളെന്നെ റേപ്പ് ചെയ്തു: ശ്രീകാന്ത് വെട്ടിയാറിനെതിരെ മീ ടൂ ആരോപണം
നാടകരംഗത്ത് നിരവധി പുരസ്ക്കാരങ്ങൾ നേടിയിട്ടുള്ള സംവിധായകനാണ് രാജേഷ് ഇരുളം. അഞ്ചു പ്രാവശ്യം നാടക രചനക്കുള്ള സംഗീത നാടക അക്കാദമിയുടെ അവാർഡുകൾ കരസ്ഥമാക്കിയ ഹേമന്ത് കുമാറാണ് ഈ ചിത്രത്തിൻ്റെ തിരക്കഥ രചിച്ചിരിക്കുന്നത്. അപ്പോത്തിക്കരി, കൊത്ത് എന്നീ ചിത്രങ്ങളുടെ തിരക്കഥാകൃത്തുകൂടിയാണ് ഹേമന്ത് കുമാർ. നാടകരംഗത്തെ രണ്ടു പ്രതിഭാധനന്മാരുടെ സംഗമം കൂടിയെന്നതും ഈ ചിത്രത്തിൻ്റെ പ്രത്യേകത വർദ്ധിപ്പിക്കുന്നു.
മലയാളത്തിലെ പ്രമുഖ താരങ്ങൾക്കൊപ്പം നാടകരംഗത്തെ പ്രമുഖരും അണിനിരക്കുന്നു. ഗാനങ്ങൾ – സിബി അമ്പലപ്പുറം. സംഗീതം നൽകുന്നത് റെജി ഗോപിനാഥ് ആണ്. ചിത്രത്തിന്റെ പശ്ചാത്തല സംഗീതം നിർവഹിക്കുന്നത് അനിൽ മാളയും. പോൾ ബത്തേരിയാണ് ചിത്രത്തിന്റെ ഛായാഗ്രാഹകൻ. കലാസംവിധാനം – സുരേഷ് പുൽപ്പള്ളി. സുനിൽ മേച്ചന. കോസ്റ്റ്യും – ഡിസൈൻ.- വക്കം മാഹിൻ. മേക്കപ്പ് – ജി ജോ കൊടുങ്ങല്ലൂർ. ചീഫ് അസ്സോസ്സിയേറ്റ് ഡയറക്ടർ- എം.രമേഷ് കുമാർ. പ്രൊഡക്ഷൻ കൺട്രോളർ- സന്തോഷ് കുട്ടീസ്. വാഴൂർ ജോസ്.
Post Your Comments