KeralaLatest News

നടിയുടേത് വ്യാജ പരാതി, ഇതിനു പിന്നിൽ എറണാകുളം കേന്ദ്രീകരിച്ച് പ്രവർത്തിക്കുന്ന ഒരു സംഘം സിനിമാ പ്രവർത്തകർ: മായ ബാബു

മുഖ്യമന്ത്രി പിണറായി വിജയനും ഡിജിപിക്കും പരാതി നൽകി മായ

നടനും നിർമ്മാതാവുമായ വിജയ് ബാബുവിനെതിരായ ലൈംഗിക ആരോപണ പരാതി വ്യാജമെന്ന് വിജയ് ബാബുവിന്‍റെ അമ്മ മായ ബാബു. മകനെതിരായ പരാതിയെക്കുറിച്ച് അന്വേഷിക്കണമെന്നാവശ്യപ്പെട്ട്  മുഖ്യമന്ത്രി പിണറായി വിജയനും ഡിജിപിക്കും പരാതി നൽകിയിരിക്കുകയാണ് മായ ബാബു

മകനെതിരെ നടി നൽകിയത് വ്യാജ പരാതിയാണെന്നും ഇതിനു പിന്നിൽ എറണാകുളം കേന്ദ്രീകരിച്ച് പ്രവർത്തിക്കുന്ന ഒരു സംഘം സിനിമാ പ്രവർത്തകരാണെന്നും മായ ബാബു പരാതിയില്‍ പറയുന്നു. കൂടാതെ, നടനെ അപകീർത്തിപ്പെടുത്താൻ ഗൂഢാലോചന നടത്തിയെന്നും വിജയ് ബാബുവിന്‍റെ അമ്മ ആരോപിക്കുന്നു.

read also: ‘എന്‍റെ മീ ടൂ പത്ത് പന്ത്രണ്ട് വര്‍ഷം മുന്‍പെയാ, അല്ലെങ്കില്‍ 14, 15 വര്‍ഷം കാണാന്‍പോലും പറ്റില്ലായിരുന്നു’: വിമർശനം

നടിയുടെ പരാതിയെ തുടർന്ന് പൊലീസ് കേസെടുത്തതിന് പിന്നാലെ, യു എ ഇയിലേക്ക് കടന്ന വിജയ് ബാബുവിനെ നാട്ടിലെത്തിക്കാൻ ഇന്‍റർപോളിന്റെയും യുഎഇ പോലീസിന്റെയും സഹായം തേടിയിരിക്കുകയാണ്. ഇതിന്റെ തുടർച്ചയായിട്ടാണ് വിജയ് ബാബുവിനെ പിടികിട്ടാപ്പുളളിയായി പ്രഖ്യാപിക്കാൻ ഒരുങ്ങുന്നത്.

താൻ ബിസിനസ് ആവശ്യാര്‍ത്ഥം വിദേശത്താണെന്നും 19 ന് മാത്രമേ നാട്ടിലേക്ക് എത്താൻ കഴിയുകയുള്ളൂവെന്നുമായിരുന്നു വിജയ് ബാബു പൊലീസിനെ അറിയിച്ചിരിക്കുന്നത്. കൂടാതെ, ഹൈക്കോടതിയിൽ മുൻകൂര്‍ ജാമ്യാപേക്ഷ നല്‍കിയിട്ടുണ്ട്.

shortlink

Related Articles

Post Your Comments


Back to top button