കൊച്ചി: നടി അര്‍ച്ചന കവിയോട് മോശമായി പെരുമാറിയ സംഭവത്തിൽ, പോലീസുകാരനെതിരേ നടപടി. പോലീസുകാരന്റെ ഭാഗത്ത് തെറ്റുണ്ടെന്നും ഇയാൾക്കെതിരെ വകുപ്പുതല നടപടി സ്വീകരിക്കുമെന്നും കൊച്ചി സിറ്റി പോലീസ് കമ്മീഷണര്‍ സി.എച്ച്. നാഗരാജു വ്യക്തമാക്കി. ഫോര്‍ട്ട് കൊച്ചി എസ്.എച്ച്.ഒയ്‌ക്കെതിരേയാണ് നടപടി സ്വീകരിക്കുന്നത്.
കഴിഞ്ഞ ദിവസം രാത്രി, ഓട്ടോയില്‍ സുഹൃത്തിനും കുടുംബത്തിനുമൊപ്പം യാത്രചെയ്യുന്നതിനിടെ, പോലീസ് മോശമായി പെരുമാറിയാതായി അര്‍ച്ചന സോഷ്യൽ മീഡിയയിൽ കുറിച്ചിരുന്നു. ഓട്ടോയില്‍ സ്ത്രീകള്‍ മാത്രമേ ഉണ്ടായിരുന്നുള്ളൂവെന്നും പോലീസ് തടഞ്ഞുനിര്‍ത്തി പരുഷമായി ചോദ്യം ചെയ്യുകയായിരുന്നുവെന്നും അര്‍ച്ചന കുറിപ്പില്‍ വ്യക്തമാക്കി.
വീട്ടില്‍ പോവുകയാണെന്നു പറഞ്ഞപ്പോള്‍, എന്തിനാണ് വീട്ടില്‍ പോകുന്നതെന്ന് പോലീസ് ഉദ്യോഗസ്ഥൻ ചോദിച്ചതായും അര്‍ച്ചന പറയുന്നു. കേരള പോലീസ്, ഫോര്‍ട്ട് കൊച്ചി എന്നീ ഹാഷ് ടാഗുകളോടെയാണ് അര്‍ച്ചന, സോഷ്യൽ മീഡിയയിൽ കുറിപ്പ് പങ്കുവെച്ചത്.
Post Your Comments