CinemaGeneralIndian CinemaLatest NewsMollywood

വെടിക്കെട്ടുമായി വിഷ്ണു ഉണ്ണികൃഷ്ണനും ബിബിൻ ജോർജും: ഫസ്റ്റ്‍ലുക്ക് പോസ്റ്റർ പുറത്തിറങ്ങി

മലയാള സിനിമയിലെ മെഗാഹിറ്റ് കൂട്ടുകെട്ടായ ബിബിൻ ജോർജും വിഷ്ണു ഉണ്ണികൃഷ്ണനും വീണ്ടും ഒന്നിക്കുന്ന ചിത്രമാണ് വെടിക്കെട്ട്. ബോക്സ് ഓഫീസിൽ വമ്പൻ വിജയങ്ങളായി മാറിയ അമർ അക്ബർ അന്തോണി, കട്ടപ്പനയിലെ ഹൃതിക് റോഷൻ, ഒരു യമണ്ടൻ പ്രേമകഥ എന്നീ ഹാട്രിക് വിജയ ചിത്രങ്ങൾക്ക് ശേഷമാണ് ഇരുവരും വീണ്ടും ഒന്നിക്കുന്നത്. ഇപ്പോളിതാ, വെടിക്കെട്ട് എന്ന ചിത്രത്തിന്റെ ഫസ്റ്റ്‍ലുക്ക് പോസ്റ്റർ പുറത്ത് വിട്ടിരിക്കുകയാണ് അണിയറ പ്രവർത്തകർ.

ഒരു പൂരപറമ്പിൻ്റെ പ്രതിച്ഛായ നൽകുന്ന വളരെ ഗ്രാൻഡ് ആയ പോസ്റ്ററിൽ ആനകൾ, മുത്തുക്കുടകൾ, കൊടിമരങ്ങൾ, ചെണ്ട, കാർണിവൽ, ജയൻ്റ് വീൽ തുടങ്ങിയവയുടെ പശ്ചാത്തലത്തിൽ കലിപ്പൻ ലുക്കിൽ ബൈക്കിൽ ഇരിക്കുന്ന വിഷ്ണു ഉണ്ണികൃഷ്ണനും, ബിബിൻ ജോർജും നായിക ഐശ്വര്യയും പ്രത്യക്ഷപ്പെടുന്നുണ്ട്. ചിത്രത്തിൻ്റെ ആഘോഷ പ്രതീതി എല്ലാ തരത്തിലും സൂചിപ്പിക്കുന്ന പോസ്റ്റർ തന്നെയാണ് വെടിക്കെട്ട് ടീം പുറത്ത് വിട്ടിരിക്കുന്നത്.

കുടുംബ പ്രേക്ഷകരുടെ പ്രിയതാരങ്ങളും തിരക്കഥാകൃത്തുക്കളായ വിഷ്ണു ഉണ്ണികൃഷ്ണനും ബിബിൻ ജോർജും, ആദ്യമായി സംവിധാന മേഖലയിലേക്ക് പ്രവേശിക്കുന്ന ചിത്രമെന്ന പ്രത്യേകത കൂടി ഈ സിനിമയ്ക്കുണ്ട്. ബാദുഷാ സിനിമാസിന്റെയും പെൻ ആൻഡ് പേപ്പറിന്റെയും ബാനറിൽ എൻ.എം ബാദുഷ, ഷിനോയ് മാത്യൂ എന്നിവർ ചേർന്നാണ് ചിത്രം നിർമ്മിക്കുന്നത്. 14 ഇലവൺ സിനിമാസിൻ്റെ ബാനറിൽ റോഷിത്ത് ലാൽ ആണ് സഹനിർമ്മാണം. മഞ്ജു ബാദുഷ, നീതു ഷിനോയ് എന്നിവരാണ് എക്സിക്യൂട്ടീവ് നിർമ്മാതാക്കൾ.

വിഷ്ണു ഉണ്ണികൃഷ്ണനും ബിബിൻ ജോർജും തന്നെ പ്രധാന കഥാപാത്രങ്ങളെ അവതരിപ്പിക്കുന്ന ചിത്രത്തിൽ, ഇരുന്നൂറോളം പുതുമുഖ താരങ്ങളും അണിനിരക്കുന്നുണ്ട്.
രതീഷ് റാം ഛായാഗ്രഹണം നിർവ്വഹിക്കുന്ന ചിത്രത്തിൽ ജോൺ കുട്ടിയാണ് ചിത്രസംയോജനം കൈകാര്യം ചെയ്യുന്നത്. ബിബിൻ ജോർജ്, ഷിബു പുലർകാഴ്ച, വിപിൻ ജെഫ്രിൻ, ജിതിൻ ദേവസി, അൻസാജ് ഗോപി എന്നിവരുടെ വരികൾക്ക് സംഗീതം ഒരുക്കുന്നത് ശ്യാം പ്രസാദ്, ഷിബു പുലർകാഴ്ച, അർജുൻ വി അക്ഷയ എന്നിവർ ചേർന്നാണ്. പശ്ചാത്തല സംഗീതം – ജേയ്ക്സ് ബിജോയ്, ലൈൻ പ്രൊഡ്യൂസർ – പ്രിജിൻ ജെ.പി, പ്രൊസക്ഷൻ കൺട്രോളർ – സുധർമ്മൻ വള്ളിക്കുന്ന്, കലാസംവിധാനം – സജീഷ് താമരശ്ശേരി, മേക്കപ്പ് – കലാമണ്ഡലം വൈശാഖ്, ഷിജു കൃഷ്ണ, കോസ്റ്റ്യൂം – ഇർഷാദ് ചെറുകുന്ന്, ചീഫ് അസോ. ഡയറക്ടർ – രാജേഷ് ആർ കൃഷ്ണൻ, ആക്ഷൻ – സുപ്രീം സുന്ദർ, മാഫിയ ശശി, സൗണ്ട് ഡിസൈൻ – എ.ബി ജുബിൻ, ഫിനാൻസ് കൺട്രോളർ – ഷിജോ ഡൊമിനിക്, പ്രൊഡക്ഷൻ എക്സിക്യുട്ടീവ് – സക്കീർ ഹുസൈൻ, പ്രൊഡക്ഷൻ മനേജർ – ഹിരൻ, നിതിൻ ഫ്രഡ്ഡി, നൃത്ത സംവിധാനം – ദിനേശ് മാസ്റ്റർ, അസോ. ഡയറക്ടർ – സുജയ് എസ് കുമാർ, ഗ്രാഫിക്സ് – നിധിൻ റാം, ഡിസൈൻ – ടെൻപോയിൻ്റ്, സ്റ്റിൽസ് – അജി മസ്ക്കറ്റ്, പി.ആർ.ഒ – പി. ശിവപ്രസാദ്.

 

shortlink

Related Articles

Post Your Comments


Back to top button