മലയാളികളുടെ പ്രിയപ്പെട്ട നടിയാണ് ഷീലു എബ്രഹാം. നിരവധി സിനിമകളിൽ വ്യത്യസ്തങ്ങളായ കഥാപാത്രങ്ങളായി ഷീലു എത്തിയിട്ടുണ്ട്. ഇപ്പോളിതാ, നടി ഷീലുവിന്റെ വൈറൽ ഡാൻസ് എന്ന പേരിൽ സമൂഹ മാധ്യമങ്ങളിൽ ഒരു വീഡിയോ തരംഗമാകുകയാണ്. ‘ലോൺലി സുമ’ എന്ന ഇൻസ്റ്റാഗ്രാം അക്കൗണ്ടിലൂടെയാണ് വീഡിയോ പുറത്ത് വന്നത്. നിമിഷങ്ങൾക്കകം തന്നെ വീഡിയോ വൈറലാകുകയും ചെയ്തു. ഇപ്പോളിതാ, വിഷയത്തിൽ പ്രതികരണവുമായി നടി തന്നെ രംഗത്തെത്തിയിരിക്കുകയാണ്.
ആ വീഡിയോയും അക്കൗണ്ടും ‘നാലാം മുറ’ എന്ന സിനിമയ്ക്കായി ഒരുക്കിയതാണ് എന്നാണ് ഷീലു പറയുന്നത്. സാധാരണ തനിക്ക് ലഭിക്കുന്ന കഥാപാത്രങ്ങളിൽ നിന്ന് വ്യത്യസ്തയാണ് ‘ലോൺലി സുമ’ എന്നും ഷീലു പറഞ്ഞു. ഒരു മാധ്യമത്തിന് നൽകിയ അഭിമുഖത്തിലാണ് താരം ഇക്കാര്യങ്ങൾ പറഞ്ഞത്.
ഷീലുവിന്റെ വാക്കുകൾ:
ആ വീഡിയോയും അക്കൗണ്ടും ‘നാലാം മുറ’ എന്ന സിനിമയ്ക്കായി ഒരുക്കിയതാണ്. എന്നാൽ, ചിലർ അത് ഷീലു എബ്രഹാമിന്റെ ഡാൻസ് വീഡിയോ എന്ന പേരിൽ പങ്കുവെക്കുന്നതാണ് പ്രശ്നം. സാധാരണ എനിക്ക് ലഭിക്കുന്ന കഥാപാത്രങ്ങളിൽ നിന്ന് വ്യത്യസ്തയാണ് ‘ലോൺലി സുമ’. ആ കഥാപാത്രം ചെയ്ത വീഡിയോ ആണ്. തമാശ വീഡിയോ ചെയ്യുന്ന സ്ത്രീകൾ ഉണ്ടല്ലോ. ഇത്തരം വീഡിയോ ചെയ്ത് എങ്ങനെയെങ്കിലും കുറച്ച് ഫോളോവേഴ്‌സിനെ കൂട്ടാൻ എന്തും ചെയ്യുന്ന കഥാപാത്രമാണ് സുമ.
Post Your Comments