താന്‍ തിരിച്ചു വരവിനെ കുറിച്ച് ചിന്തിക്കുന്നതായും, തിരിച്ചു വരുമ്പോള്‍ അത് വേറിട്ടൊരു അനുഭവമായിരിക്കണം എന്നാണ് ആഗ്രഹമെന്നും നടി സമീറ റെഡ്ഡി. വിവാഹത്തിന് ശേഷം സിനിമയില്‍ നിന്നും മാറി നിൽക്കുകയാണെങ്കിലും ബോഡി പോസിറ്റിവിറ്റിയെ കുറിച്ച് പറഞ്ഞ് സോഷ്യൽ മീഡിയയില്‍ സജീവമാണ് താരം. സിനിമാ ഷൂട്ടിംഗിനിടെ താന്‍ സമ്മര്‍ദ്ദത്തില്‍ ആയിരുന്നതിനെ കുറിച്ച് സമീറ പറഞ്ഞ വാക്കുകളാണ് ഇപ്പോള്‍ ശ്രദ്ധ നേടുന്നത്. ഗാന രംഗങ്ങള്‍ ചിത്രീകരിക്കുന്ന സമയത്ത് താന്‍ പട്ടിണി കിടക്കുമായിരുന്നു എന്നും ഒരു ഇഡ്ഡലിയും കോഫിയും മാത്രം കഴിച്ചിരുന്ന ദിവസങ്ങൾ ഉണ്ടെന്നും താരം മിഡ് ഡേയ്ക്ക് നല്‍കിയ അഭിമുഖത്തില്‍ പറഞ്ഞു.
താരത്തിന്റെ വാക്കുകൾ :
‘താന്‍ സ്വയം പട്ടിണി കിടക്കുമായിരുന്നു. ഒരു ദിവസം ഒരു ഇഡ്ഡലി മാത്രമാണ് കഴിച്ചത്. ഒരു ഗ്ലാസ് കോഫിയും. പ്രത്യേകിച്ച് പാട്ട് രംഗങ്ങള്‍ ഷൂട്ട് ചെയ്യുന്ന ദിവസം. തന്നില്‍ നിന്നും പ്രതീക്ഷിക്കുന്നത് നല്‍കാന്‍ വേണ്ടിയാണ് പട്ടിണി കിടന്നത്. വളരെ ബുദ്ധിമുട്ടിയ സമയമാണത്. മാനസികമായും വൈകാരികമായും കഠിനമായിരുന്നു. പക്ഷെ താനത് ചെയ്തു എന്നാണ് സമീറ. സമ്മര്‍ദ്ദത്തെ തുടര്‍ന്ന് പത്തൊമ്പതാമത്തെ വയസു മുതല്‍ തന്റെ മുടി നരയ്ക്കാന്‍ തുടങ്ങി. 2013 മുതല്‍ക്കെ അഭിനയത്തില്‍ നിന്നും വിട്ടു നില്‍ക്കുകയാണെങ്കിലും താന്‍ തിരിച്ചു വരവിനെ കുറിച്ച് ചിന്തിക്കുന്നുണ്ട്. തിരിച്ചു വരുമ്പോള്‍ അത് വേറിട്ടൊരു അനുഭവമായിരിക്കണം എന്നാണ് ആഗ്രഹം. ഈ വര്‍ഷം തന്നെ താന്‍ തിരിച്ചു വന്നേക്കാം’.
Post Your Comments