GeneralLatest NewsNEWS

‘വാലാട്ടി’യുടെ ട്രെയിലർ പ്രകാശനം നടന്നു

മലയാളത്തിലെ ആദ്യ പരീക്ഷണ ചിത്രമെന്നു വിശേഷിപ്പിക്കാവുന്ന ‘വാലാട്ടി’യുടെ ആദ്യ ട്രെയിലർ പ്രകാശനം ഇന്നു നടന്നു. പതിനൊന്നു നായ്ക്കുട്ടികളും ഒരു പൂവനും പ്രധാന കഥാപാത്രങ്ങളാകുന്ന ഒരു മിനി അത്ഭുത ചിത്രമെന്നു വിശേഷിപ്പിക്കാവുന്ന ഈ ചിത്രം ഫ്രൈഡേ ഫിലിം ഹൗസിന്റെ ബാനറിൽ വിജയ് ബാബുവാണ് നിർമ്മിച്ചിരിക്കുന്നത്. ഫ്രൈഡേ ഫിലിം ഹൗസ് പരിചയപ്പെടുത്തുന്ന പതിനാലാമത്തെ പുതുമുഖ സംവിധായകനായ ദേവനാണ് ഈ ചിത്രം തിരക്കഥ രചിച്ച് സംവിധാനം ചെയ്തിരിക്കുന്നത്.

എന്നും പുതുമയും വ്യത്യസ്തവുമായ ചിത്രങ്ങൾ ഒരുക്കിപ്പോരുന്ന ഫ്രൈഡേ ഫിലിംസിന്റെ ഈ ചിത്രത്തിന്റെ ട്രയിലർ ഇതിനകം തന്നെ പ്രേക്ഷക ലക്ഷങ്ങളുടെ മനസ്സിനെ കീഴടക്കിയിരിക്കുന്നു. മലയാളമുൾപ്പടെ അഞ്ചു ഭാഷകളിലായിട്ടാണ് ഈ ചിത്രമെത്തുന്നത്. ഹിന്ദി, തെലുങ്ക്, കന്നഡ, തമിഴ് ഭാഷകളിലാണ് മലയാളത്തിനു പുറമേ ഈ ചിത്രം എത്തുന്നത്. ഇതിലെ പതിനൊന്നു നായ്ക്കുട്ടികൾക്കും പൂവൻ കോഴിക്കും ശബ്ദം നൽകിയിരിക്കുന്നത് മലയാളത്തിലെ പ്രമുഖ താരങ്ങളാണന്നത് ഈ ചിത്രത്തിന്റെ കൗതുകം വർദ്ധിപ്പിക്കുന്നു. ഇത് ആരൊക്കെയെന്നത് ചിത്രം പ്രദർശനത്തിനെത്തുന്നതു വരേയും സസ്പെൻസായി നിലനിർത്തുകയാണ് ഈ ചിത്രത്തിന്റെ അണിയറ പ്രവർത്തകർ.

ഛായാഗ്രഹണം – വിഷ്ണു പണിക്കർ, എഡിറ്റിംഗ് – അയൂബ് ഖാൻ, കലാ സംവിധാനം – അരുൺ വെഞ്ഞാറമൂട്, മേക്കപ്പ് – റോണക്സ് സേവ്യർ, കോസ്‌റ്റ്യും – ഡിസൈൻ – ജിതിൻ ജോസ്, എക്സിക്യൂടീവ്‌ പ്രൊഡ്യൂസർ – വിനയ് ബാബു, നിർമ്മാണ നിർവ്വഹണം – ഷിബു ജി സുശീലൻ

കുട്ടികൾക്കും സ്ത്രീകൾക്കും ഏറെ അനുയോജ്യമായ മധ്യ വേനൽ അവധിക്കാലത്ത് ഈ ചിത്രം പ്രദർശനത്തിനെത്തുമെന്ന് നിർമ്മാതാവ് വിജയ് ബാബു പറഞ്ഞു.
വാഴൂർ ജോസ്.

shortlink

Related Articles

Post Your Comments


Back to top button