CinemaLatest NewsMollywoodWOODs

അതികാലത്തുണർന്ന് കുറുമ്പൻമാരെയും കുറുമ്പത്തികളെയും ഒരുക്കി വിടുന്ന അമ്മമാർക്കും അച്ഛൻമാർക്കും ആദരവ്: നടി ലക്ഷ്മി പ്രിയ

വീടകങ്ങളിലെ രാവിലത്തെ 'യുദ്ധ'ത്തിന് സാക്ഷ്യം വഹിക്കുന്ന മറ്റ് കുടുംബാംഗങ്ങൾക്കും സ്നേഹം

സ്കൂൾ കാലമായതോടെ എല്ലാവരും മക്കളെ സ്കൂളിൽ അയക്കുന്ന തിരക്കിലാണ്, അതികാലത്തുണർന്ന് കുറുമ്പൻമാരെയും കുറുമ്പത്തികളെയും ഒരുക്കി വിടുന്ന അമ്മമാർക്കും അച്ഛൻമാർക്കും ആദരവ് എന്ന് നടി ലക്ഷ്മി പ്രിയ.

ബി​ഗ്ബോസിലായിരുന്നതിനാൽ മകൾ സ്കൂളിൽ പോകുന്നത് കാണാനായില്ലെന്നും താരം പറയുന്നു. സ്കൂളിലേക്ക് പോകുന്ന എല്ലാ കുഞ്ഞ് മക്കൾക്കും നടി ലക്ഷ്മി പ്രിയ ആശംസകളും നേർന്നു.

കുറിപ്പ് വായിക്കാം

മാതുക്കുട്ടി ഗ്രേഡ് 3യിലേക്ക്. കഴിഞ്ഞ വർഷത്തെ ഈ കാഴ്ച എനിക്ക് miss ആയി, ഞാൻ ബിഗ് ബോസിൽ ആയിരുന്നതിനാൽ.

മാതൂന്റെ ബുക്സ് കളക്ട് ചെയ്‌തോ? മുടിയ്ക്ക് നീളം ഉള്ളത് കൊണ്ട് പിന്നിക്കെട്ടാൻ ചേട്ടന് അറിയുമോ? പല്ല് ആടി നിന്നത് ഇളകിയോ അങ്ങനെ ഒരു നൂറായിരം ടെൻഷൻ ആയിരുന്നു, എനിക്ക്.

മാത്രമല്ല രണ്ട് വർഷത്തിന് ശേഷം സ്കൂളിൽ പോകുവല്ലേ? യൂണിഫോം ഇട്ട ആദ്യ സ്കൂൾ ദിനം കാണാൻ എനിക്ക് കഴിയാത്ത സങ്കടം ആയിരുന്നു കൂടുതൽ.

ലാലേട്ടൻ അവളുടെ ഫോട്ടോ കാണിച്ചു തന്നപ്പോൾ എനിക്ക് വന്ന ഒരു ആനന്ദം. ചേട്ടൻ അമ്മ റോൾ ഗംഭീരമാക്കി, മുടി പിന്നാൻ ചേട്ടൻ ഭംഗിയായി പഠിച്ചു.

അന്നത്തെ എന്നെപ്പോലെ ഈ കാഴ്ചകൾ മിസ്സ്‌ ആകുന്ന നൂറ് കണക്കിന് പ്രവാസി അമ്മമാരെ നിറഞ്ഞ സ്നേഹത്തോടെ ഓർക്കുന്നു.

അമ്മ റോളും ഗംഭീരമാക്കുന്ന അച്ഛൻമാർക്ക് ആദരവ്. അതികാലത്തുണർന്ന് കുറുമ്പൻ മാരെയും കുറുമ്പത്തികളെയും ഒരുക്കി വിടുന്ന അമ്മമാർക്കും അച്ഛൻമാർക്കും വീടകങ്ങളിലെ രാവിലത്തെ ‘യുദ്ധ’ത്തിന് സാക്ഷ്യം വഹിക്കുന്ന മറ്റ് കുടുംബാംഗങ്ങൾക്കും സ്നേഹം.

ഇന്ന് സ്കൂളിലേക്ക് പോകുന്ന എല്ലാ കുഞ്ഞ് മക്കൾക്കും എന്റെ all the very best എന്നാണ് താരം കുറിച്ചത്.

shortlink

Related Articles

Post Your Comments


Back to top button