പ്രിയങ്ക ചോപ്രയുടെ അമ്മയായി തെന്നിന്ത്യൻ സൗന്ദര്യ റാണി സാമന്തയെത്തുന്നു

തെന്നിന്ത്യൻ സൂപ്പർ താരം സാമന്ത ഹോളിവുഡിലേക്ക്. പ്രിയങ്ക ചോപ്രയും റിച്ചാർഡ് മാഡനും പ്രധാന കഥാപാത്രങ്ങളെ അവതരിപ്പിക്കുന്ന സിറ്റാഡലിന്റെ അന്താരാഷ്ട്ര പതിപ്പിന്റെ പ്രീക്വലിലാണ് താരം വേഷമിടുക.

പ്രിയങ്കയുടെ അമ്മയുടെ വേഷം സാമന്ത അവതരിപ്പിക്കുന്നുവെന്നാണ് പുറത്ത് വന്നിരിക്കുന്ന വാർത്ത. വരുൺ ധവാനും പ്രധാന വേഷത്തിൽ ചിത്രത്തിലെത്തുന്നു.

വെബ് സീരീസിൽ പ്രിയങ്കയുടെ അമ്മയായി താൻ അഭിനയിക്കുമെന്ന അഭ്യൂഹങ്ങൾ സാമന്ത സ്ഥിരീകരിച്ചുവെന്നാണ് റിപ്പോർട്ട്. സിറ്റാഡലിന്റെ ഇന്ത്യൻ പതിപ്പ് യഥാർത്ഥ സീരീസിൽ നിന്ന് വ്യത്യസ്തമായിരിക്കുമെന്നും റിപ്പോർട്ടുകളുണ്ട്. ചിത്രം ഈ വർഷം അവസാനം പ്രേക്ഷകർക്കായി റിലീസ് ചെയ്യുമെന്നാണ് വിലയിരുത്തൽ.

പ്രിയങ്ക ചോപ്രയുടെ നാദിയ സിങ്ങിന്റെ അമ്മയായി അഭിനയിക്കുന്നുവെന്ന് സാമന്ത സ്ഥിരീകരിച്ചു. എന്നിരുന്നാലും, വ്യത്യസ്‌ത രീതിയിൽ സജ്ജീകരിച്ചിരിക്കുന്നതിനാൽ, ഇരുവരും സ്‌ക്രീനിൽ കണ്ടുമുട്ടില്ല, ഒരു രംഗത്തിലും ഒരുമിച്ച് സ്ക്രീൻ പങ്കിടേണ്ടി വരില്ലെന്നും താരം വ്യക്തമാക്കിയിരുന്നു.