നായികയാകാൻ മുന്നോട്ട് വച്ചത് വൻ ഡിമാ​ന്റുകൾ: പ്രഭാസ് നായകനാകുന്ന സ്പിരിറ്റിൽ നിന്നും ദീപിക പദുക്കോണിനെ നീക്കി

പ്രഭാസ് നായകനാകുന്ന പുതിയ ചിത്രം സ്പിരിറ്റിൽ നായികയായി നിശ്ചയിച്ചിരുന്ന ദീപിക പദുക്കോണിനെ ചിത്രത്തിൽ നിന്നും നീക്കി. ഈ ചിത്രത്തിലഭിനയിക്കാൻ വലിയ ഡിമാ​ന്റുകൾ മുന്നോട്ട് വച്ചതോടെയാണ് ദീപികയെ മാറ്റിയത്. സന്ദീപ് റെഡ്ഡി വാങ്കയാണ് ചിത്രം സംവിധാനം ചെയ്യുന്നത്. സ്പിരിറ്റിന്റെ പ്രി പ്രൊഡക്ഷൻ ജോലികൾ പുരോ​ഗമിക്കുകയാണ്. സംവിധായകനുമായുണ്ടായ കലാപരമായ വൈരുദ്ധ്യങ്ങളുടെ പേരിൽ താരം പിന്മാറിയെന്നാണ് പുറത്തുവരുന്ന വിവരം.

എന്നാൽ താരം മുന്നോട്ട് വച്ച വലിയ ഡിമാൻ്റുകൾ സിനിമയുടെ അണിയറ പ്രവർത്തകർക്ക് സ്വീകാര്യമായില്ല. ഇതേത്തുടർന്നാണ് ദീപികയ്‌ക്ക് പകരം മറ്റൊരാളെ പരി​ഗണിക്കാമെന്ന് അവർ തീരുമാനിക്കുന്നത്. ഓരോ ദിവസവും ആറു മണിക്കൂർ വീതമേ ചിത്രീകരണത്തിനോട് സഹകരിക്കു,

തെലുങ്ക് ഡയലോ​ഗുകൾ പറയില്ല, ശമ്പളമായി 20 കോടിയും ലാഭവിഹിതവും വേണം,100 ദിവസത്തിന് മുകളിൽ ഷൂട്ട് നീണ്ടാൽ ഓരോ ദിവസവും അധിക പ്രതിഫലം വേണം തുടങ്ങിയ ഡിമാന്റുകളാണ് അവർ മുന്നോട്ട് വച്ചത്. അതേസമയം ദീപികയ്‌ക്ക് പകരം തെന്നിന്ത്യൻ താരം രുക്മിണി വസന്തിനെ ചിത്രത്തിലേക്ക് പരി​ഗണിക്കുന്നുണ്ടെന്നാണ് സൂചന.