ആസിഡ് ആക്രമണത്തെ അതിജീവിച്ച ലക്ഷ്മിയുടെ ജീവിതം പറയുന്ന ചപ്പാക്ക് ചിത്രീകരണം പൂര്‍ത്തിയായി. നടിയായ ദീപിക തന്നെയാണ് ഇക്കാര്യം അറിയിച്ചത്. ഇന്‍സ്റ്റഗ്രാമിലൂടെ സെറ്റിലെ അംഗങ്ങളെല്ലാം ചേര്‍ന്നുള്ള ചിത്രം പങ്കുവച്ചുകൊണ്ടാണ് ദീപിക സന്തോഷവാര്‍ത്ത പങ്കുവച്ചത്. കരിയറിലെ ഏറ്റവും അമൂല്യമായ ചിത്രം പൂര്‍ത്തിയാക്കി എന്നായിരുന്നു ദീപിക ചിത്രത്തോടൊപ്പം കുറിച്ചത്. അടുത്തവര്‍ഷം ജനുവരി പത്താം തിയതി ചിത്രം തിയറ്ററുകളില്‍ എത്തും.
https://www.instagram.com/p/ByS89rsACu8/
സന്തോഷവാര്‍ത്ത പുറത്തുവിട്ട് നിമിഷങ്ങള്‍ക്കുള്ളില്‍ ദീപികയുടെ ഭര്‍ത്താവും നടനുമായ രണ്‍വീര്‍ സിങ്ങിന്റെ കമന്റും എത്തി. ‘മാജിക് കാണാനായി കാത്തിരിക്കാന്‍ വയ്യ’, എന്നായിരുന്നു രണ്‍വീറിന്റെ കമന്റ്. മേഘ്ന ഗുല്‍സാര്‍ സംവിധാനം ചെയ്യുന്ന ചിത്രം ആസിഡ് ആക്രമണത്തെ അതിജീവിച്ച ലക്ഷ്മി അഗര്‍വാളിന്റെ ജീവിതം പ്രമേയമാക്കിയാണ് ഒരുങ്ങുന്നത്. 15ാം വയസിലാണ് ലക്ഷ്മി ആക്രമിക്കപ്പെടുന്നത്. വിവാഹവാഗ്ധാനം നിരസിച്ചതിന്റെ പേരിലായിരുന്നു ആക്രമണം.
Post Your Comments