Latest NewsMovie GossipsNEWSSocial Media

‘നല്ല രീതിയില്‍’ വസ്ത്രം ധരിക്കുന്നവരൊക്കെ സന്തോഷത്തോടെ ജീവിക്കാത്തതെന്ത്?: വിമർശകർക്ക് മറുപടിയുമായി വിദ്യുലേഖ രാമന്‍

ചെന്നൈ: നിരവധി ചിത്രങ്ങളിലൂടെ പ്രേക്ഷകര്‍ക്ക് സുപരിചിതയായ നടിയാണ് വിദ്യുലേഖ രാമന്‍. മാലിദ്വീപില്‍ അവധിക്കാലം ആഘോഷിക്കുന്നതിന്റെ ചിത്രങ്ങളും താരം സോഷ്യല്‍ മീഡിയയില്‍ പങ്കുവെച്ചിരുന്നു. അടുത്തിടെയായിരുന്നു വിദ്യുലേഖ രാമന്‍ ഫിറ്റ്നസ് ട്രെയ്നര്‍ സഞ്ജയിനെ വിവാഹം കഴിച്ചത്. എന്നാല്‍ ഇപ്പോൾ താരം പങ്കുവെച്ച ചിത്രങ്ങള്‍ക്ക് നേരെ വിമർശനങ്ങളുമായി എത്തിയിരിക്കുകയാണ് ചിലര്‍.

‘ഒരു സ്വിംസ്യൂട്ട് ധരിച്ചതു കൊണ്ട് മാത്രം എന്നാണ് വിവാഹമോചനം എന്നൊക്കെ ചോദിച്ചു കൊണ്ടുള്ള സന്ദേശങ്ങളാണ് എനിക്ക് ലഭിക്കുന്നത്. 1920ലെ അമ്മാവന്മാരും അമ്മായിമാരും പുറത്തു പോകൂ. 2021ലേക്ക് വരൂ. നെഗറ്റിവ് കമന്റുകളല്ല. മറിച്ച് ഒരു സമൂഹം എന്ന നിലയ്ക്ക് ചിന്തിക്കുന്ന രീതിയിലാണ് പ്രശ്നം. ഒരു സ്ത്രീയുടെ വസ്ത്രധാരണമാണ് വിവാഹമോചനത്തിന് കാരണമെങ്കില്‍ എന്തുകൊണ്ടാണ് ‘നല്ല രീതിയില്‍’ വസ്ത്രം ധരിക്കുന്നവരൊക്കെ സന്തോഷത്തോടെ ജീവിക്കാത്തത്?. നല്ലൊരു ഭര്‍ത്താവിനെ ലഭിച്ചതില്‍ ഞാന്‍ ഭാഗ്യവതിയാണ്. ഇതൊക്കെ അവഗണിക്കാനാണ് അദ്ദേഹം എന്നോട് പറഞ്ഞത്. എന്നാല്‍ അങ്ങനെ വിട്ടുകളയാന്‍ കഴിഞ്ഞില്ല,’ വിദ്യുലേഖ സോഷ്യൽ മീഡിയയിൽ കുറിച്ചു.

shortlink

Post Your Comments


Back to top button