മൊബൈൽ ഫോണിനായി പിടിവലി, ഫോൺ താഴെവീണു പൊട്ടിയപ്പോൾ ഭയന്ന് വിദ്യാർത്ഥി ജീവനൊടുക്കി

പൊ​ന്നാ​നി: മൊബൈൽ ഫോണിന് വേണ്ടി സഹോദരിയുമായി വഴക്കിട്ടതിൽ മനം നൊന്ത് പതിനാറുകാരൻ ആത്മഹത്യ ചെയ്തു. പൊ​ന്നാ​നി സ്വ​ദേ​ശി​യാ​യ പു​ത്ത​ന്‍​കു​ളം സ്വ​ദേ​ശി ക​മ്മാ​ലി​ക്കാ​ന​ക​ത്ത് മു​ഹ​മ്മ​ദ​ലി​യു​ടെ മ​ക​ന്‍ നി​ഷാം (16) ആ​ണ് ആ​ത്മ​ഹ​ത്യ ചെ​യ്ത​ത്. സഹോദരിയുമായി മൊബൈൽ ഫോണിനായി പിടിവലികൂടുന്നതിനിടെ ഫോൺ താഴെവീണു പൊട്ടുകയായിരുന്നു. തുടർന്ന് ബാപ്പ വഴക്ക് പറയുമെന്ന് ഭയന്ന് വിദ്യാർത്ഥി ജീവനൊടുക്കുകയായിരുന്നു.

Also Read:സ്വാധീനമുളള പ്രതികൾ, തെളിവ് നശിപ്പിക്കും: അനുപമയുടെ മാതാപിതാക്കൾക്ക് ജാമ്യം നൽകരുതെന്ന് പൊലീസ്

പൊ​ന്നാ​നി എം.​ഐ ഹൈ​സ്കൂ​ളി​ല്‍​നി​ന്ന്​ പ​ത്താം ക്ലാ​സ് പൂ​ര്‍​ത്തി​യാ​ക്കി​യ നി​ഷാം പ്ല​സ് വ​ണ്‍ പ്ര​വേ​ശ​ന​ത്തി​ന് ത​യാ​റെ​ടു​ക്കു​ക​യാ​യി​രു​ന്നു. നിഷാമിന്റെ മൃ​ത​ദേ​ഹം പോ​സ്റ്റ് മോ​ര്‍​ട്ട​ത്തി​ന് ശേ​ഷം ബ​ന്ധു​ക്ക​ള്‍​ക്ക് വി​ട്ടു​കൊ​ടു​ത്തു.

അതേസമയം, സംസ്ഥാനത്ത് പ്രായപൂർത്തിയാകാത്തവരിൽ ആത്മഹത്യാ പ്രവണത വർധിച്ചു വരുന്നതയാണ് കണക്കുകൾ സൂചിപ്പിക്കുന്നത്. ലോക്ഡൗൺ കാലഘട്ടങ്ങളിലടക്കം അനേകം കുട്ടികളാണ് ആത്മഹത്യ ചെയ്തിരിക്കുന്നത്. പ്രശ്നങ്ങളെ തരണം ചെയ്യാനുള്ള കരുത്ത് കുട്ടികൾക്കില്ലെന്നും, ഇത് മാതാപിതാക്കൾ കൂടുതൽ ശ്രദ്ധിക്കേണ്ട വിഷയമാണെന്നും ആരോഗ്യ വിദഗ്ധർ പറയുന്നു.