കോഴിക്കോട്: മാധ്യമപ്രവർ‍ത്തകർക്കരെ മർദ്ദിച്ച കോൺഗ്രസ് പ്രവർത്തകർക്കെതിരെ അച്ചടക്ക നടപടിയുമായി ഡി.സി.സി. രണ്ട് പ്രവർത്തകരെ പാർട്ടിയിൽ നിന്ന് സസ്പെൻഡ് ചെയ്തു. അരക്കിണർ മണ്ഡലം പ്രസിഡന്റ് രാജീവൻ തിരുവച്ചിറ, ചേവായൂർ സഹകരണ ബാങ്ക് പ്രസിഡന്റ് അഡ്വ. പ്രശാന്ത് കുമാർ എന്നിവരെയാണ് സസ്പെൻഡ് ചെയ്തത്.
മുൻ ഡി.സി.സി പ്രസിഡന്റ് യു. രാജീവൻ പരസ്യമായി ഖേദം പ്രകടിപ്പിക്കണമെന്നും കോഴിക്കോട് ഡി.സി.സി നിർദ്ദേശിച്ചു. മുതിർന്ന നേതാവായിട്ടും പ്രവർത്തകരെ തടയുന്നതിൽ യു. രാജീവന് വീഴ്ച സംഭവിച്ചതിനാലാണ് നടപടി. കോഴിക്കോട് ശനിയാഴ്ച ചേർന്ന എ ഗ്രൂപ്പ് നേതാക്കളുടെ രഹസ്യ യോഗം റിപ്പോർട്ട് ചെയ്യാനെത്തിയ മാധ്യമ പ്രവർത്തകരെയാണ് ഒരു കൂട്ടം പ്രവർത്തകർ മർദ്ദിച്ചത്.
Post Your Comments