ഗോവയുടെ രഹസ്യ അറകളിലേക്ക്… രസകരമായ 5 വസ്തുതകൾ

അവധിക്കാലം അടിച്ചു പൊളിക്കാന്‍ യുവാക്കള്‍ തെരഞ്ഞെടുക്കുന്ന സ്ഥലമാണ് ഗോവ. ഇവിടുത്തെ ബീച്ചുകളിലും ബാറുകളിലും ഡിജെ പാര്‍ട്ടികളിലുമൊക്കെ അടിച്ചു പൊളിക്കാനാണ് യുവാക്കൾ ഗോവയിലേക്ക് തിരിക്കുന്നത്. എന്നാൽ, ഇത് മാത്രമല്ല ഗോവ. നിങ്ങൾ കാണാത്ത, അറിയാത്ത ഒരു ഗോവയുണ്ട്. ആ ഗോവയെ നമുക്ക് പരിചയപ്പെടാം. ഗോവയുടെ രഹസ്യ അറകളിലേക്ക് ഒരു യാത്ര പോകാം.

1. ഗോവയുടെ മൂന്നിലൊരു ഭാഗവും വനത്താൽ മൂടപ്പെട്ടിരിക്കുന്നു

ആളുകൾ ഗോവയെക്കുറിച്ച് ചിന്തിക്കുമ്പോൾ, അവർ മിക്കവാറും മണൽ നിറഞ്ഞ നീണ്ട ബീച്ചുകളെക്കുറിച്ചാണ് ചിന്തിക്കുന്നത്. ബീച്ചുകളും പരന്നുകിടക്കുന്ന നീലവെള്ളവുമാണ് അവർക്കറിയാവുന്നത്. എന്നാൽ, സംസ്ഥാനത്തിന്റെ പകുതിയോളം ഭാഗവും വനത്താൽ മൂടപ്പെട്ടിരിക്കുന്നുവെന്ന വസ്തുത അധികമാർക്കും അറിയില്ല. ഗോവയിലെ ഏകദേശം 30% ഭൂമിയും ഇന്ത്യയുടെ മനോഹരമായ പശ്ചിമഘട്ടത്തിലാണ്. വിശാലമായ പർവതനിരകളും ജൈവവൈവിധ്യത്തിന്റെ നിധികേന്ദ്രവുമാണ് ഈ ഭാഗം. ഇന്ത്യൻ ഭീമൻ അണ്ണാൻ, മംഗൂസ്, മെലിഞ്ഞ ലോറിസ്, ഇന്ത്യൻ മക്കാക്കുകൾ, സ്ലോത്ത് ബിയർ എന്നിവയുൾപ്പെടെ വിദേശ വന്യജീവികളാൽ നിറഞ്ഞതാണ് ഇവിടുത്തെ വനങ്ങൾ.

2. 7,000 ബാറുകൾ ആണ് ഗോവയിൽ ഉള്ളത്

ഗോവ ഇന്ത്യയുടെ ‘പാർട്ടി ജില്ല’ എന്ന് പരക്കെ അറിയപ്പെടുന്നു. സൂര്യൻ ഉദിക്കുന്നതും അസ്തമിക്കുന്നതും ഗോവയിലാണെന്നാണ് സഞ്ചാരികളുടെ കാവ്യ ഭാവന. അതുകൊണ്ട് തന്നെ ഓരോ വർഷവും സൂര്യനെ തേടി ആയിരക്കണക്കിന് വിനോദസഞ്ചാരികളാണ് ഗോവ സന്ദർശിക്കുന്നത്. ഇന്ത്യയിലെ ഏറ്റവും കുഞ്ഞന്‍ സംസ്ഥാനമായ ഗോവയില്‍ എത്ര ബാറുകളുണ്ടെന്ന് ചിന്തിച്ചിട്ടുണ്ടോ? സംസ്ഥാനത്തുടനീളം 7,000-ത്തോളം ബാറുകൾ ആണുള്ളത്. വില കുറഞ്ഞതും ജനകീയവുമായ മദ്യവും ഇവിടെ ലഭ്യമാണ്. ഇവയെല്ലാം ലൈസന്‍സുള്ളവയാണ്. അപ്പോള്‍ ലൈസന്‍സില്ലാത്തവയുടെ കണക്കുകൂടി എടുത്താലുള്ള കാര്യം പറയണോ?

3. ഇന്ത്യയിലെ ഏറ്റവും ചെറിയ സംസ്ഥാനമാണ് ഗോവ

ചരിത്രമറിയാവുന്നവർക്കും അല്ലാത്തവർക്കും പൊതുവെ ഗോവയെ കുറിച്ച് അറിയാവുന്ന ഒരു കാര്യം, ഒരുപക്ഷെ അതിന്റെ പൊതുസ്വഭാവത്തെ കുറിച്ച് ആകാം. ഇന്ത്യയിലെ ഏറ്റവും ചെറിയ സംസ്ഥാനമാണ് ഗോവ എന്ന പൊതുസ്വഭാവം പലർക്കും പരിചിതമാണ്. 1,429 ചതുരശ്ര മൈൽ വിസ്തൃതിയുള്ള ഇത് ഡെവോണിനേക്കാൾ അല്പം വലുതാണ്. സംസ്ഥാനത്തിന് ‘ചെറിയ’ അളവിലുള്ള ആകർഷണങ്ങളും കാര്യങ്ങളും അല്ല ഉള്ളത്. ഗോവ കാഴ്ചകളാൽ സമൃദമാണ്.

4. വരുമാനത്തിൽ മുന്നിൽ

ചെറിയ സംസ്ഥാനമാണെന്ന് കരുതി ഗോവയുടെ വരുമാനം കുറവാണെന്ന് കരുതിയാല്‍ തെറ്റി. വിനോദ സഞ്ചാരത്തില്‍ നിന്നാണ് സംസ്ഥാനത്തിന്റെ വരുമാനത്തിന്റെ സിംഹഭാഗവും വരുന്നത്. നമ്മുടെ നാട്ടിലുള്ളവരെക്കാള്‍ പണക്കാരാണ് ഗോവക്കാര്‍ എന്നും കണക്കുകള്‍ സൂചിപ്പിക്കുന്നു. ഒരു ദേശീയ സെന്‍സസ് പുറത്തുവിട്ട കണക്കു പ്രകാരം ഒരു ശരാശരി ഗോവക്കാരന്റെ ഒരു വര്‍ഷത്തെ വരുമാനം 1,92,652 രൂപയാണ്. ജീവിതം നന്നായി ആസ്വദിക്കുന്നവരാണ് ഗോവക്കാർ.

5. രണ്ട് സ്വാതന്ത്ര്യ ദിനം ആഘോഷിക്കുന്നു

1947 ഓഗസ്റ്റ് 15-ന് ഇന്ത്യ ബ്രിട്ടീഷ് ഭരണത്തിൽ നിന്ന് സ്വതന്ത്രമായ ഒരു സ്വതന്ത്ര രാജ്യമായി മാറിയെങ്കിലും ഗോവയുടെ നിയന്ത്രണം വിട്ടുകൊടുക്കാൻ പോർച്ചുഗീസുകാർ വിസമ്മതിച്ചു. ഗോവയുടെ സ്വാതന്ത്ര്യത്തിനായുള്ള പോരാട്ടം തുടർന്നു. ഗോവയ്ക്കകത്തും പുറത്തും നിന്ന് ജനം പോരാടി. 1961 ഡിസംബർ 17 ന് ഇന്ത്യൻ സൈന്യവും വ്യോമസേനയും നാവികസേനയും ഗോവ ആക്രമിക്കുകയും വേണ്ടത്ര സജ്ജരല്ലാത്ത പോർച്ചുഗീസ് സൈന്യത്തെ കീഴടക്കുകയും ചെയ്തു. ഡിസംബർ 18-ന് പോർച്ചുഗീസ് ഗവർണർ ഔദ്യോഗികമായി കീഴടങ്ങി, അടുത്ത ദിവസം ഗോവ ഔദ്യോഗികമായി ഇന്ത്യയുടെ ഭാഗമായി! എല്ലാ വർഷവും ഡിസംബർ 19 ന് ഗോവ ഈ രണ്ടാം സ്വാതന്ത്ര്യ ദിനം ആഘോഷിക്കുന്നു.