പ്രസവാനന്തര സ്ട്രെച്ച് മാർക്കുകൾ ഇല്ലാതാക്കാൻ സഹായിക്കുന്ന പ്രകൃതിദത്ത വീട്ടുവൈദ്യത്തെക്കുറിച്ച് അറിയാം

പ്രസവശേഷം സ്ത്രീകളുടെ ശരീരത്തിൽ സ്ട്രെച്ച് മാർക്കുകൾ സാധാരണമാണ്. ഗർഭധാരണത്തിനു ശേഷം മിക്കവാറും എല്ലാ സ്ത്രീകളും നേരിടുന്ന പ്രശ്നങ്ങളിലൊന്നാണിത്. ഈ സ്ട്രെച്ച് മാർക്കുകൾ സ്ത്രീകളുടെ ആത്മവിശ്വാസം ഇല്ലാതാക്കുന്നു. ഗർഭാവസ്ഥയിലും പ്രസവസമയത്തും പെട്ടെന്ന് ശരീരഭാരം കൂടുകയും കുറയുകയും ചെയ്യുന്നത് കാരണമാണ് പ്രസവശേഷം സ്ട്രെച്ച് മാർക്കുകൾ ചർമ്മത്തിൽ പ്രത്യക്ഷപ്പെടുന്നത്.

പ്രസവാനന്തര സ്ട്രെച്ച് മാർക്കുകൾ ഇല്ലാതാക്കാൻ സഹായിക്കുന്ന ചില എളുപ്പ വീട്ടുവൈദ്യങ്ങൾ ഇതാ;

കറ്റാർ വാഴ: പല ചർമ്മപ്രശ്‌നങ്ങൾക്കുമുള്ള ഉത്തമ പ്രതിവിധിയാണ് കറ്റാർവാഴ. ശരീരത്തിലെ സ്ട്രെച്ച് മാർക്കുകൾ നീക്കം ചെയ്യാൻ കറ്റാർ വാഴ സഹായിക്കുന്നു. കറ്റാർ വാഴ നീര് ദിവസവും സ്ട്രെച്ച് മാർക്കിൽ പുരട്ടി നന്നായി മസാജ് ചെയ്യുക.

വെളിച്ചെണ്ണ: പാടുകൾ അകറ്റാൻ വെളിച്ചെണ്ണ ഉത്തമമാണ്. സ്ട്രെച്ച് മാർക്കുകൾ പെട്ടെന്ന് മാറാനും വെളിച്ചെണ്ണ സഹായിക്കുന്നു. ദിവസവും വെളിച്ചെണ്ണ പുരട്ടി സ്ട്രെച്ച് മാർക്കുകൾ ഉള്ള ഭാഗത്ത് മസാജ് ചെയ്യുക.

ഓര്‍മ്മശക്തി വര്‍ദ്ധിപ്പിക്കാൻ

നാരങ്ങ: സ്ട്രെച്ച് മാർക്കുകൾ നീക്കാൻ നാരങ്ങയാണ് നല്ലത്. സ്ട്രെച്ച് മാർക്കുകൾ ഉള്ള സ്ഥലങ്ങളിൽ അൽപം നാരങ്ങാനീര് പതിവായി പുരട്ടുന്നത് പാടുകൾ മാറാൻ സഹായിക്കും.

മിൽക്ക് ക്രീം: സ്ട്രെച്ച് മാർക്കുകൾ അകറ്റാൻ ഏറ്റവും നല്ലതാണ് മിൽക്ക് ക്രീം. ദിവസവും പാൽ ഉപയോഗിച്ച് ഈ ഭാഗത്ത് മസാജ് ചെയ്യുക. മസാജ് ചെയ്യാൻ വിരലുകൾ ചർമ്മത്തിൽ വൃത്താകൃതിയിൽ ചലിപ്പിക്കണം. ഇത് മൂന്ന് മാസത്തേക്ക് ചെയ്യണം.

തേൻ: ശരീരത്തിലെ പാടുകൾ മാറ്റാൻ തേൻ ഉത്തമമാണ്. സ്ട്രെച്ച് മാർക്കുകളിൽ തേൻ പുരട്ടി മസാജ് ചെയ്യുന്നത് അവ മാറാൻ സഹായിക്കും.

മുട്ടയുടെ വെള്ള: സ്ട്രെച്ച് മാർക്കിനുള്ള നല്ലൊരു പ്രതിവിധി കൂടിയാണ് മുട്ടയുടെ വെള്ള. സ്ട്രെച്ച് മാർക്കുകളിൽ മുട്ടയുടെ വെള്ള പുരട്ടാം. ആഴ്ചയിൽ മൂന്ന് ദിവസം വരെ ഇത് ചെയ്യുക.