കാർ ഓടിച്ച ലോകത്തിലെ ആദ്യ വനിത: ബെർത്ത ബെൻസിന്റെ സാഹസിക കഥ ഇങ്ങനെ

കാൾ ബെൻസ് ഓട്ടോമൊബൈൽ വ്യവസായത്തിന് നൽകിയ സംഭാവനകൾകൊണ്ട് പ്രശസ്തനാണ്. എന്നാൽ, ഭാര്യയുടെ സുപ്രധാന പിന്തുണയില്ലാതെ അദ്ദേഹത്തിന്റെ വിജയം സാധ്യമാകുമായിരുന്നില്ല. കാൾ ബെൻസിന്റെ ഭാര്യ ബെർത്തയാണ് മോട്ടോർ വാഹനം ഓടിക്കുന്ന ആദ്യ വനിത. ജർമ്മൻ വംശജനായ കാൾ ബെൻസ് ഒരു ഓട്ടോമോട്ടീവ് എഞ്ചിനീയറും എഞ്ചിൻ ഡിസൈനറുമായിരുന്നു. തന്റെ ആദ്യ ഓട്ടോമൊബൈൽ എന്ന നിലയിൽ അദ്ദേഹം ഒരു ഫോർഡ് മോഡൽ ടി നിർമ്മിച്ചു. ഈ വാഹനത്തിന് നാല് ചക്രങ്ങളുണ്ടായിരുന്നില്ല, പകരം മൂന്ന് ചക്രങ്ങളാണ് ഉണ്ടായിരുന്നത്.

കാൾ ബെൻസിന്റെ ഈ വാഹനം വിൽപ്പനയിൽ വിജയിച്ചില്ല. മൂന്ന് വർഷമായി വിപണിയിലിറങ്ങിയ തങ്ങളുടെ കാർ വിൽപ്പനയാകാത്തതിൽ കാൾ ബെൻസും ഭാര്യ ബെർത്ത ബെൻസും നിരാശരായി. ആരും അത് ഉപയോഗിക്കുന്നത് ആരും കണ്ടിട്ടില്ല എന്നതാണ് കാർ വിൽക്കാത്തതിന് കാരണമെന്ന് ബെർത്ത ബെൻസ് വിശ്വസിച്ചു. അങ്ങനെ അവൾ തന്നെ ഓടിക്കാൻ തീരുമാനിച്ചു.

‘ഇതിന്റെ പേരില്‍ ഇനിയാരും ഒരു രൂപ പോലും മോളി കണ്ണമാലി ചേച്ചിക്ക് കൊടുക്കരുത്’: ഫിറോസ് കുന്നംപമ്പറിൽ പറയുന്നു

1888 ഓഗസ്റ്റിൽ തന്റെ ഭർത്താവ് കാളിന്റെ സമ്മതമില്ലാതെ കാർ ഓടിക്കാൻ ബെർത്ത ബെൻസ് തീരുമാനിച്ചു. കാളിനോട് പറയാതെ 106 കിലോമീറ്റർ കാർ ഓടിച്ച് ബെർത്ത മാതാപിതാക്കളുടെ വീട്ടിൽ എത്തി. ബെൻസ് നിർമ്മിച്ച വാഹനത്തിലാണ് ബെർത്ത ഇത്രദൂരം യാത്ര ചെയ്തത്

106 കിലോമീറ്റർ താണ്ടിയുള്ള ബെർത്തയുടെ യാത്ര വെല്ലുവിളി നിറഞ്ഞതായിരുന്നു. കുറേ ദൂരം പിന്നിട്ടപ്പോൾ കാർ ചൂടാകാൻ തുടങ്ങി. അത് തണുപ്പിക്കാൻ, അവൾ ഇടയ്ക്കിടെ വഴിയിൽ നിർത്തി. വഴിയിൽ ഒരു ജലസ്രോതസ്സ് കണ്ടെത്തി, വെള്ളം ഉപയോഗിച്ച് കാർ തണുപ്പിച്ച് അവർ ഒടുവിൽ ലക്ഷ്യസ്ഥാനത്ത് എത്തി.

അക്കാലത്ത് യഥാക്രമം 13-ഉം 15-ഉം വയസ്സുള്ള അവളുടെ രണ്ട് മക്കളായ റിച്ചാർഡും യൂസനും ബെർത്തയ്ക്ക് ഒപ്പമുണ്ടായിരുന്നു. മാതാപിതാക്കളുടെ വീട്ടിൽ എത്തിയപ്പോൾ ബെർത്ത കാൾ ബെന്സിന് ഒരു ടെലിഗ്രാം അയച്ചു. ചരിത്രം സൃഷ്ടിക്കാൻ അവൾ സ്വീകരിച്ച പാതയ്ക്ക് പിന്നീട് ബെർത്ത ബെൻസ് മെമ്മോറിയൽ റൂട്ട് എന്നും പേര് വന്നു.