രാജ്യത്തെ റെയിൽ, റോഡ് വികസനം വളരെ വേഗത്തിലാണ് മുന്നോട്ട് നീങ്ങുന്നതെന്ന് പ്രധാനമന്ത്രി

ന്യൂ ഡൽഹി ; ”രാജ്യത്തെ റെയിൽ, റോഡ് വികസനം വളരെ വേഗത്തിലാണ് മുന്നോട്ട് നീങ്ങുന്നതെന്ന്” പ്രധാനമന്ത്രി നരേന്ദ്രമോദി. ഡൽഹി മെട്രോ മജന്ത ലൈൻ രാഷ്ട്രത്തിനു സമർപ്പിച്ച ശേഷം സംസാരിക്കുകയായിരുന്നു അദ്ദേഹം. അന്ധവിശ്വാസം അവഗണിച്ച് നോയിഡയിലെത്തിയ മുഖ്യമന്ത്രി യോഗി ആദിത്യനാഥിനെയും ഈ അവസരത്തിൽ പ്രധാനമന്ത്രി അഭിനന്ദിച്ചു.

“2022 ൽ ഭാരതം സ്വാതന്ത്ര്യത്തിന്റെ 75ആം വാർഷികം ആഘോഷിക്കുന്ന വേളയിൽ പെട്രോൾ ഇറക്കുമതി കുറഞ്ഞ രാജ്യമായി ഭാരതം മാറണം.അതിനായി പൊതുഗതാഗത സമ്പ്രദായങ്ങൾ കൂടുതൽ ആധുനികവും കാര്യക്ഷമവുമാക്കണം. 2002 ൽ അടൽജി മെട്രോയിൽ യാത്ര ചെയ്തു കൊണ്ട് തുടങ്ങിയ മെട്രോ ഇന്ന് കൂടുതൽ വികസിതമായി. രാജ്യത്ത് ശക്തവും സ്ഥിരതയുള്ളതുമായ ഒരു സർക്കാരുണ്ടാകാൻ സഹായിച്ച യുപിയിലെ ജനങ്ങളെ പ്രസംഗിക്കവെ അദ്ദേഹം അഭിനന്ദിച്ചു. രാഷ്ട്രീയ നേട്ടമല്ല രാഷ്ട്രത്തിന്റെ നേട്ടമാണ് സർക്കാരിന്റെ ലക്ഷ്യമെന്നും” പ്രധാനമന്ത്രി പറഞ്ഞു.