തിരുവനന്തപുരം: അസി. പ്രഫസര് നിയമന ഉത്തരവ് സംസ്ഥാന സർക്കാർ മരവിപ്പിച്ചു. ബയോടെക്നോളജി യോഗ്യത ഉള്ളവരെ ഇതുമായി യാതൊരു ബന്ധവുമില്ലാത്ത ബോട്ടണി, സുവോളജി വിഷയങ്ങളിലെ അസിസ്റ്റന്റ് പ്രഫസറായി പരിഗണിക്കണമെന്നുള്ള ഉത്തരവാണ് സർക്കാർ മരവിപ്പിച്ചത്.
സംസ്ഥാനത്തെ കോളജുകളിലും സര്വകലാശാലകളിലും ബോട്ടണി, സുവോളജി അസിസ്റ്റന്റ് പ്രഫസര് നിയമനത്തിന് എംഎസ്സി ബയോടെക്നോളജിയും യോഗ്യതയാക്കി നിശ്ചയിച്ച തീരുമാനത്തില് സര്വകലാശാലകളുമായി ചര്ച്ച ചെയ്ത ശേഷമേ തുടര്നടപടികളുണ്ടാവൂ എന്ന് മന്ത്രി കെ.ടി. ജലീല് കഴിഞ്ഞ ദിവസം വ്യക്തമാക്കിയിരുന്നു.
ഇത്തരമൊരു ഉത്തരവ് ഇറങ്ങിയതിനെതിരെ വ്യാപകമായ പരാതിയായിരുന്നു പല കോണുകളില് നിന്നും ഉയര്ന്നു വന്നത്. ഉന്നത വിദ്യാഭ്യാസ മന്ത്രിയുടെ ഈ തീരുമാനത്തെ ഇടതു അധ്യാപക സംഘടനകള് പോലും എതിര്ക്കുന്ന സാഹചര്യവുമുണ്ടായി. ഈ പശ്ചാത്തലത്തിലാണ് ചൊവ്വാഴ്ച പുതിയ ഉത്തരവ് ഇറങ്ങിയത്.
Post Your Comments