പൂനെ : കാറുകള്‍, ബൈക്കുകള്‍, ഓട്ടോറിക്ഷകള്‍ തുടങ്ങി 13 ഓളം വാഹനങ്ങള്‍ തല്ലി തകര്‍ക്കുകയും ഒരാളെ കൊല്ലാന്‍ നോക്കുകയും ചെയ്ത 18 വയസുകാരന്‍ പിടിയിലായി. മഹാരാഷ്ട്രയിലെ പൂനെ ജില്ലയില്‍ ചിക്കാലിയിലെ ഗാര്‍ഖുല്‍ പ്രദേശത്താണ് ബുധനാഴ്ച സംഭവം നടന്നത്. 18-കാരനാണ് പിടിയിലായത്. സംഭവ ദിവസം ഇയാള്‍ 29-കാരനായ ആകാശ് എന്ന യുവാവിനെ മൂര്‍ച്ചയേറിയ ആയുധം കൊണ്ട് ആക്രമിക്കാന്‍ ശ്രമിക്കുകയായിരുന്നു.
എന്നാല്‍ ഇദ്ദേഹം 18-കാരന്റെ ആക്രമണത്തില്‍ നിന്ന് കഷ്ടിച്ച് രക്ഷപ്പെട്ടു. തുടര്‍ന്ന് ആകാശ് 18-കാരനെതിരെ പോലീസില്‍ പരാതി നല്‍കി. രാത്രി 10.45 ആകാശ് വീടിന് പുറത്തിറങ്ങിയപ്പോള്‍ ആണ് യുവാവ് വഴിയില്‍ പാര്‍ക്ക് ചെയ്തിരിക്കുന്ന ചില വാഹനങ്ങള്‍ തല്ലി തകര്‍ക്കുന്നത് കാണുന്നത്. ” ഞാന്‍ ഗാര്‍ഖുലിലെ ഡോണ്‍ ആണ്. ആരെങ്കിലും എന്നെ വെല്ലുവിളിക്കാന്‍ ശ്രമിച്ചാല്‍ ഞാന്‍ അയാളെ കൊല്ലും.” – എന്ന് ഉറക്കെ പറഞ്ഞു കൊണ്ടായിരുന്നു പ്രതി വാഹനങ്ങള്‍ തല്ലി തകര്‍ത്തത്. ഇപ്പോള്‍ പ്രതി പോലീസ് കസ്റ്റഡിയിലാണ്. മുമ്പും ഇയാളെ നിരവധി കേസുകളില്‍ അറസ്റ്റ് ചെയ്തിട്ടുണ്ടെന്ന് പോലീസ് പറഞ്ഞു.
Post Your Comments