Latest NewsNewsIndia

കോവിഡിൽ നിന്ന് രക്ഷതേടാൻ 3 മാര്‍ഗങ്ങള്‍; എയിംസ്​ മേധാവിയുടെ വാക്കുകൾ ഇങ്ങനെ

ഇന്ത്യയിലെത്താനുള്ള സമയ താമസം മാത്രമായിരുന്നു പ്രശ്​നം” എന്‍.ഡി.ടി.വി സംഘടിപ്പിച്ച പരിപാടിയില്‍ അദ്ദേഹം പ്രതികരിച്ചു.

ന്യൂഡല്‍ഹി: രാജ്യത്ത്​ കോവിഡ്​ ബാധിതരുടെ എണ്ണം ദിനംപ്രതി വർധിച്ചുവരുന്ന സാഹചര്യത്തിൽ മുന്നറിയിപ്പുമായി ഓള്‍ ഇന്ത്യ ഇന്‍സ്റ്റിറ്റ്യൂട്ട്​ ഓഫ്​ മെഡിക്കല്‍ സയന്‍സസ്​ മേധാവി ഡോ. രണ്‍ദീപ്​ ഗുലേറിയ. പൊതുവെ മഹാമാരികളുടെ രണ്ടാം ഘട്ടം ഏതുകാലത്തും ഇരട്ടി അപകടകരമായതായാണ്​ ചരിത്രമെന്ന്​ ഡോ . രണ്‍ദീപ്​ ഗുലേറിയ ഓര്‍മ്മിപ്പിക്കുന്നു. ”നാം കൂടുതല്‍ ജാഗ്രത പുലര്‍ത്തേണ്ടിയിരുന്നു. ആഗോളവ്യാപകമായി കോവിഡിന്‍റെ പുതിയ വകഭേദങ്ങള്‍ പടരുന്നത്​ നാം അറിഞ്ഞതാണ്​. ഇന്ത്യയിലെത്താനുള്ള സമയ താമസം മാത്രമായിരുന്നു പ്രശ്​നം” എന്‍.ഡി.ടി.വി സംഘടിപ്പിച്ച പരിപാടിയില്‍ അദ്ദേഹം പ്രതികരിച്ചു. ആള്‍ക്കൂട്ടം വിലക്കല്‍, കണ്ടെയ്​ന്‍മെന്‍റ്​ സോണുകള്‍ പ്രഖ്യാപിക്കല്‍, വാക്​സിനേഷന്‍ വേഗത്തിലാക്കല്‍ എന്നിവയാണ്​ ഗുലേറിയയുടെ അഭിപ്രായത്തില്‍ കോവിഡിനെ തടയാനുള്ള മൂന്നു മാര്‍ഗങ്ങള്‍.

Read Also: പഞ്ചാബിലെ കര്‍ഷകരുടെ ജീവിതം മാറി മറിയുന്നു; അക്കൗണ്ടിൽ വന്നത് ലക്ഷങ്ങൾ, താങ്ങുവില‍ നേരിട്ട് കൈമാറുന്ന രീതിക്ക് തുടക്കം

എന്നാൽ രോഗ വ്യാപനം അടിയന്തരമായി ചെറുത്തേ പറ്റൂ. ഇതിന്​ ടെസ്റ്റും ചികിത്സയും കൂട്ടി കൂടുതല്‍ രോഗികളുള്ള ഭാഗങ്ങള്‍ പൂര്‍ണമായി കണ്ടെയ്​ന്‍മെന്‍റ്​ സോണുകളാക്കണം. നേരത്തെ കോവിഡ്​ ബാധ കണക്കാക്കി ചുവപ്പ്​, ഓറഞ്ച്​, പച്ച സോണുകളാക്കി തിരിച്ചത്​ ആവര്‍ത്തിക്കണം. ആശുപത്രികളില്‍ കൂടുതല്‍ ബെഡുകളും ഓക്​സിജനും ലഭ്യമാക്കണം- എയിംസ്​ മേധാവി നിര്‍ദ്ദേശിക്കുന്നു. അതേസമയം 100 വര്‍ഷം മുമ്പ്​ രാജ്യത്ത്​ സമാനമായ മഹാമാരി ഉണ്ടായപ്പോള്‍ രണ്ടാം തരംഗം അത്യപകടകരമായിരുന്നുവെന്നും അദ്ദേഹം കൂട്ടിച്ചേര്‍ത്തു

shortlink

Related Articles

Post Your Comments

Related Articles


Back to top button