Latest NewsIndia

യുവാവിനായി ആശുപത്രി കിടക്ക വിട്ടുനല്‍കിയ 85കാരനായ ആർഎസ്എസ് സ്വയം സേവകൻ അന്തരിച്ചു

വാര്‍ഡിനകത്ത്​ ഒരു സ്​ത്രീ ഡോക്​ടര്‍മാരോട്​ തന്‍റെ ഭര്‍ത്താവിനെ രക്ഷിക്കണമെന്ന്​ കരഞ്ഞ്​ അപേക്ഷിക്കുകയും ആശുപത്രിയില്‍ ഇടം നല്‍കുകയും ചെയ്യണമെന്ന്​ പറയുന്നത്​ നാരായണിന്‍റെ ശ്രദ്ധയില്‍പ്പെടുകയായിരുന്നു.

നാഗ്​പുര്‍: മഹാരാഷ്​ട്രയിലെ നാഗ്​പുരില്‍ യുവാവിന്​ വേണ്ടി ആശുപത്രി കിടക്ക വിട്ടുനല്‍കിയ കോവിഡ്​ ബാധിച്ച 85കാരനായ സ്വയം സേവകൻ അന്തരിച്ചു. നാഗ്​പുര്‍ സ്വദേശിയായ നാരായണ്‍ ദ​ബാല്‍ക്കറാണ്​ ശരീരത്തില്‍ ഓക്​സിജന്‍റെ അളവ്​ താഴ്ന്നതിനെ തുടര്‍ന്ന്​ വീട്ടില്‍വെച്ച്‌​ മരിച്ചത്​.

ആശുപത്രിയില്‍ ചികിത്സയിലായിരുന്നു നാരായണ്‍. കോവിഡ്​ ബാധിതനായ 40കാരന്‍ അത്യാസന്ന നിലയില്‍ ആശുപത്രിയിലെത്തിയതോടെ തന്റെ സ്വന്തം കിടക്ക നാരായൺ വിട്ടുനല്‍കുകയായിരുന്നു. തനിക്ക് ഇത്രയും വയസായെന്നും ഇനി ജീവിതം ഉള്ളത് 40 കാരനാണെന്നും നാരായൺ അപ്പോൾ പറഞ്ഞിരുന്നു.

ഏപ്രില്‍ 22നാണ്​ നാരയണിനെ നാഗ്​പുര്‍ മുനിസിപ്പല്‍ കോര്‍പറേഷന്​ കീഴിലെ ഇന്ദിര ഗാന്ധി രുഗ്​നാലയിലെത്തിക്കുന്നത്​. രോഗികളുടെ എണ്ണം കൂടുതലുള്ളതിനാല്‍ ഇദ്ദേഹ​ത്തെ കാഷ്വാലിറ്റി വാര്‍ഡില്‍ പ്രവേശിപ്പിച്ചു. എന്നാല്‍ വാര്‍ഡിനകത്ത്​ ഒരു സ്​ത്രീ ഡോക്​ടര്‍മാരോട്​ തന്‍റെ ഭര്‍ത്താവിനെ രക്ഷിക്കണമെന്ന്​ കരഞ്ഞ്​ അപേക്ഷിക്കുകയും ആശുപത്രിയില്‍ ഇടം നല്‍കുകയും ചെയ്യണമെന്ന്​ പറയുന്നത്​ നാരായണിന്‍റെ ശ്രദ്ധയില്‍പ്പെടുകയായിരുന്നു. ഇതോടെ നാരായണ്‍ ആശുപത്രി കിടക്ക യുവാവിനായി വിട്ടുനല്‍കി.

വളരെ പരിശ്രമത്തിന്​ ശേഷമാണ്​ ആശുപത്രിയില്‍ കിടക്ക ലഭിച്ചത്​. എന്നാല്‍ മണിക്കൂറുകള്‍ക്കകം അദ്ദേഹം വീട്ടിലേക്ക്​ മടങ്ങുകയായിരുന്നുവെന്ന്​ മകള്‍ ആസാവാരി പറഞ്ഞു. എന്‍റെ ജീവിതം ഇതി​നോടകം ജീവിച്ചുകഴിഞ്ഞു. എന്നെക്കാള്‍ ചെറുപ്പമായ ഒരു രോഗിയുടെ അവസരം ഞാനായി തട്ടികളയുന്നില്ലെന്നും നാരായണ്‍ പറഞ്ഞതായി മകള്‍ കൂട്ടിച്ചേര്‍ത്തു. നാരായണിന്‍റെ ആരോഗ്യനില മോശമാണെന്ന്​ ഡോക്​ടര്‍മാര്‍ അറിയിച്ചിരുന്നുവെന്നും ഡിസ്​ചാര്‍ജ്​ നല്‍കാന്‍ വിസമ്മതിച്ചിരുന്നതായും ​മകള്‍ പറഞ്ഞു. എന്നാല്‍ നിര്‍ബന്ധപൂര്‍വം പിതാവ്​ ആശുപത്രിവിടുകയായിരുന്നുവെന്നും മകള്‍ പറഞ്ഞു.

shortlink

Related Articles

Post Your Comments

Related Articles


Back to top button