ചെന്നൈ: തമിഴ്‌നാട്ടിൽ വേറിട്ട ആഘോഷവുമായി ബിജെപി. സംസ്ഥാന നിയമസഭയിലെ 4 ബിജെപി എംഎല്‍എമാര്‍ക്കു സംസ്ഥാന പ്രസിഡന്റ് എല്‍.മുരുകന്റെ വക ഇന്നോവ കാര്‍ സമ്മാനം. രണ്ടു പതിറ്റാണ്ടിനു ശേഷമാണു സംസ്ഥാനത്തു ബിജെപിക്ക് എംഎല്‍എമാരെ ലഭിക്കുന്നത്. അണ്ണാഡിഎംകെ സഖ്യത്തില്‍ 20 സീറ്റുകളില്‍ മത്സരിച്ചെങ്കിലും നാലിടത്തു മാത്രമാണു വിജയിച്ചത്.
Read Also: ആദ്യം വാക്‌സിൻ നൽകുക മുൻഗണനാ ഗ്രൂപ്പിന്; മുൻഗണനാ ക്രമം സർക്കാർ തീരുമാനിച്ചിട്ടുണ്ടെന്ന് മുഖ്യമന്ത്രി
വാനതി ശ്രീനിവാസന്‍ (കോയമ്പത്തൂര്‍ സൗത്ത്), നൈനാര്‍ നാഗേന്ദ്രന്‍ (തിരുനല്‍വേലി), കെ.സരസ്വതി ( മൊടക്കുറിച്ചി), എം.ആര്‍.ഗാന്ധി (നാഗര്‍കോവില്‍) എന്നിവരാണു ജയിച്ചത്. 2001ല്‍ ഡിഎംകെ സഖ്യത്തിലും ബിജെപിക്കു 4 എംഎല്‍എമാരെ ലഭിച്ചിരുന്നു. മുതിര്‍ന്ന ഡിഎംകെ നേതാവും രാധാപുരം എംഎല്‍എയുമായ എം.അപ്പാവു തമിഴ്‌നാട് നിയമസഭയുടെ പുതിയ സ്പീക്കര്‍. കെ.പിച്ചാണ്ടിയാണു ഡപ്യൂട്ടി സ്പീക്കര്‍. ഇന്ന് ഇരുവരും ഔദ്യോഗികമായി സ്ഥാനമേല്‍ക്കും. അപ്പാവു അഞ്ചാം തവണയാണു നിയമസഭയിലെത്തുന്നത്.
Post Your Comments