പ്യോങ്യാങ്: രാജ്യത്ത് സൈനിക ശക്തി വര്‍ധിപ്പിക്കാനൊരുങ്ങി ഉത്തര കൊറിയ. ചൈനീസ് മാധ്യമമായ ഗ്ലോബല്‍ ടൈംസാണ് ഉത്തര കൊറിയന്‍ വാര്‍ത്ത ഏജന്‍സിയെ ഉദ്ധരിച്ച്‌ ഇക്കാര്യം റിപ്പോര്‍ട്ട് ചെയ്തത്. ഉന്നത തല മിലിറ്ററി കമ്മീഷന്‍ മീറ്റിങ്ങിലായിരുന്നു കിം ജോങ് ഉന്നിന്‍റെ കര്‍ശന നിര്‍ദേശം.
കൊറിയന്‍ ഉപഭൂഖണ്ഡത്തിലെ മാറുന്ന സാഹചര്യങ്ങളില്‍ അതീവ ജാഗ്രത പുലര്‍ത്തണമെന്ന് കിം ജോങ് ഉന്‍ സൈനിക മേധാവികള്‍ക്ക് നിര്‍ദ്ദേശം നല്‍കി. ജൂണ്‍ അഞ്ചിനാണ് കിം ജോങ് ഉന്‍ ഇതിന് മുമ്പ് പൊതുസ്ഥലത്ത് പ്രത്യക്ഷപ്പെട്ടത്. സൈന്യത്തിനുള്ളിലെ ഭരണപരമായ പ്രശ്നങ്ങള്‍ എത്രയും പെട്ടെന്ന് പരിഹരിക്കാനും കിം നിര്‍ദേശം നല്‍കി. അതേസമയം നേരത്തെ ഉത്തരകൊറിയന്‍ കമ്യൂണിസ്റ്റ് പാര്‍ട്ടിയുടെ സമ്മേളനത്തില്‍ രാജ്യത്തിന്റെ സാമ്പത്തിക സ്ഥിതി മെച്ചപ്പെടുത്താനുള്ള നിര്‍ദേശങ്ങള്‍ കിം നല്‍കിയെന്ന വാര്‍ത്തകളും പ്രചരിച്ചിരുന്നു.
Post Your Comments