KeralaNattuvarthaLatest NewsNews

‘കോത്താഴം മണ്ഡലത്തിലെ എംഎൽഎയോട് എങ്ങനെ സംസാരിക്കാം’: മുകേഷിൻറെ ഫോൺകോൾ വിവാദത്തിൽ പരിഹാസവുമായി ശ്രീജിത്ത് പണിക്കർ

പാലക്കാട് എംഎല്‍എ ജീവനോടെ ഇല്ലേയെന്നാണ് മുകേഷ് വിദ്യാർത്ഥിയോട് ചോദിക്കുന്നത്

പാലക്കാട്: അത്യാവശ്യ കാര്യം പറയാന്‍ വേണ്ടി എംഎല്‍എയെ വിളിച്ച വിദ്യാര്‍ത്ഥിയോട് കയര്‍ത്ത് സംസാരിച്ച എംഎല്‍എ മുകേഷിനെതിരെ പരിഹാസവുമായി രാഷ്ട്രീയ നിരീക്ഷകൻ ശ്രീജിത്ത് പണിക്കർ. പാലക്കാട് ഒറ്റപ്പാലം സ്വദേശിയായ വിദ്യാര്‍ത്ഥി സ്വന്തം എംഎല്‍എയെ വിളിക്കാതെ തന്നെ വിളിച്ചത് മുകേഷിനെ പ്രകോപിപ്പിക്കുകയായിരുന്നു. നമ്പര്‍ തന്ന കൂട്ടുകാരന്‍ ആരാണെന്ന് നോക്കി അവന്റെ ചെവിക്കുറ്റി നോക്കി അടിക്കണമെന്നും മുകേഷ് വിദ്യാര്‍ത്ഥിയോട് പറയുന്നു. പാലക്കാട് എംഎല്‍എ ജീവനോടെ ഇല്ലേയെന്നാണ് മുകേഷ് വിദ്യാർത്ഥിയോട് ചോദിക്കുന്നത്.

ഇതിനെതിരെ ചൈനയിലെ കോത്താഴം മണ്ഡലത്തിലെ എംഎൽഎയോട് എങ്ങനെ സംസാരിക്കാം എന്ന പഠന സഹായിയുമായി തന്റെ ഫേസ്ബുക്ക് പോസ്റ്റിലൂടെ രംഗത്തെത്തിയിരിക്കുകയാണ് ശ്രീജിത്ത്.

ശ്രീജിത്ത് പണിക്കരുടെ ഫേസ്ബുക്ക് പോസ്റ്റിന്റെ പൂർണ്ണരൂപം;

ഇളവുകൾ നൽകിയത് വിനയായി: ടെസ്റ്റ് പോസിറ്റിവിറ്റി നിരക്കിലും രോഗവ്യാപനത്തിലും കുറവില്ല, ഇന്നത്തെ കോവിഡ് കണക്കുകൾ ഇങ്ങനെ

പഠനസഹായി: ചൈനയിലെ കോത്താഴം മണ്ഡലത്തിലെ എംഎൽഎയോട് എങ്ങനെ സംസാരിക്കാം.
[1] സ്വന്തം എംഎൽഎ ജീവനോടെ ഉണ്ടെങ്കിൽ?
കോത്താഴം എംഎൽഎയെ വിളിക്കരുത്.
[2] കോത്താഴം എംഎൽഎയെ വിളിക്കാൻ പറയുന്ന കൂട്ടുകാരനെ എന്തുചെയ്യണം?
ചെവിക്കുറ്റി നോക്കി അടിക്കണം.
[3] കോത്താഴം എംഎൽഎ ഇന്ത്യൻ എംഎൽഎ ആണോ?
അല്ല, വേറെ രാജ്യത്തെ (ചൈന) എംഎൽഎ ആണ്.
[4] കോത്താഴം എംഎൽഎയെ വിളിക്കാൻ എന്താണ് പ്രോട്ടോക്കോൾ?
സ്വന്തം എംഎൽഎയോട് പറഞ്ഞതിന് ശേഷം കോത്താഴം എംഎൽഎയെ വിളിക്കുക.
[5] ആറു പ്രാവശ്യം ഒരാൾ കോത്താഴം എംഎൽഎയെ വിളിച്ചാൽ?
കൂടെയുള്ള മണ്ടന്മാർ അയാളെ നോക്കി ചിരിക്കും.
[6] സ്വന്തം എംഎൽഎയെ എന്താക്കിയിട്ട് കോത്താഴം എംഎൽഎയെ വിളിക്കരുത്?
ഡൂക്കിലിയും ബഫൂണും.
[7] സ്വന്തം എംഎൽഎ ആരെന്ന് അറിയാത്ത പത്താം ക്‌ളാസുകാരനെ എന്തുചെയ്യണം?
ചൂരൽ വെച്ച് അടിക്കണം.
[8] കോത്താഴം എംഎൽഎയെ എപ്പോൾ വിളിക്കണം?
രാത്രി പതിനൊന്ന് മണിക്ക് മുൻപ്.
[9] കോത്താഴം എംഎൽഎയെ വിളിക്കാൻ എന്ത് വേണം?
അന്തസ്സ്.
അനുഭവിച്ചോ ട്ടാ…

shortlink

Related Articles

Post Your Comments

Related Articles


Back to top button