കൊല്ലം: ഫോണ്‍വിളി വിവാദത്തില്‍ കുരുക്കിലായ മന്ത്രി എ.കെ.ശശീന്ദ്രനെതിരെ എന്‍.സി.പി യുവജനവിഭാഗം. മന്ത്രി രാജിവെക്കണമെന്നാണ് ഇവരുടെ ആവശ്യം. നാഷണലിസ്റ്റ് യൂത്ത് കോണ്‍ഗ്രസ് കൊല്ലം ജില്ലാ കമ്മിറ്റിയാണ് ഇത്തരമൊരു ആവശ്യവുമായി രംഗത്തെത്തിയത്. ശശീന്ദ്രന് രാജിവെക്കണമെന്ന് ജില്ലാ പ്രസിഡന്‍റ് ബിജു.ബി ആവശ്യപ്പെട്ടു.
പ്രതി പത്മാകരനും ശശീന്ദ്രനും തമ്മില്‍ അടുത്ത ബന്ധമുണ്ട്. മുമ്പും മന്ത്രിക്കെതിരെ ആരോപണങ്ങള്‍ ഉയര്‍ന്നിരുന്നു. പല വനിതകളേയും വിളിച്ച്‌ മന്ത്രി മോശമായ ഭാഷയില്‍ സംസാരിച്ചതിന്‍റെ തെളിവുകള്‍ നാഷണലിസ്റ്റ് യൂത്ത് കോണ്‍ഗ്രസിന്‍റെ കൈവശമുണ്ടെന്നും ബിജു അവകാശപ്പെട്ടു. പ്രോട്ടോകോള്‍ ലംഘനമാണ് മന്ത്രി നടത്തിയത്. പെണ്‍കുട്ടിയോടൊപ്പം ഉറച്ചുനില്‍ക്കുമെന്നും അദ്ദേഹം പറഞ്ഞു.
നേരത്തെ സംഭവവുമായി ബന്ധപ്പെട്ട് എന്‍.സി.പി സംസ്ഥാന നേതൃത്വം അന്വേഷണം നടത്തിയിരുന്നു. ശശീന്ദ്രന് ക്ലീന്‍ചിറ്റാണ് അന്വേഷണസംഘം നല്‍കിയത്. പാര്‍ട്ടി സംസ്ഥാന അധ്യക്ഷന്‍ പി.സി.ചാക്കോയും ദേശീയ അധ്യക്ഷന്‍ ശരത് പവാറും എ.കെ.ശശീന്ദ്രനെ പിന്തുണക്കുന്ന നിലപാടാണ് സ്വീകരിക്കുന്നത്.
Post Your Comments