Latest NewsIndiaNews

ഒൻപത് വയസ്സുകാരിയെ ബലാത്സംഗം ചെയ്തു കൊലപ്പെടുത്തിയ സംഭവം : പോലീസിനെതിരെ ഗുരുതര ആരോപണവുമായി പെൺകുട്ടിയുടെ അമ്മ

ന്യൂ​ഡ​ല്‍​ഹി : ഒൻപത് വയസ്സുകാരിയെ ബലാത്സംഗം ചെയ്തു കൊലപ്പെടുത്തിയ സംഭവത്തി​ല്‍ പൊലീസിന്​ നേരെ ഗുരുതര ആരോപണവുമായി പെൺകുട്ടിയുടെ അമ്മ. പൊലീസ്​ പ്രതികള്‍ക്ക്​ കൂട്ട്​ നിന്നുവെന്ന്​ പെണ്‍കുട്ടിയുടെ കുടുംബം ​ മാധ്യമങ്ങളോട്​ വെളിപ്പെടുത്തി.

Read Also : ലോകത്ത് കൊവിഡ് ബാധിതരുടെ എണ്ണം ഇരുപത് കോടി പിന്നിട്ടു : കോവിഡ് കേസുകൾ കൂടുതലുള്ള രാജ്യങ്ങളുടെ ലിസ്റ്റ് 

ഞാ​യ​റാ​ഴ്ച വൈ​കി​ട്ടാ​ണ് ദലിത്​ പെണ്‍കുട്ടി ക്രൂരമായ ബലാത്സംഗത്തിനിരയായി കൊല്ലപ്പെട്ടത്​. വൈ​കി​ട്ട് അ​ഞ്ച​ര​യോ​ടെ വീ​ടി​ന്​ സ​മീ​പ​ത്തെ ശ്മ​ശാ​ന​ത്തി​ലെ കൂ​ള​റി​ല്‍​നി​ന്നു ത​ണു​ത്ത വെ​ള്ള​മെ​ടു​ക്കാ​ന്‍ പോ​യ​താ​യി​രു​ന്നു പെ​ണ്‍​കു​ട്ടി. വൈ​കി​ട്ട് ആ​റു മ​ണി​യോ​ടെ ശ്മ​ശാ​ന​ത്തി​ലെ പൂ​ജാ​രി​യും മ​റ്റു മൂ​ന്നു പേ​രും വീ​ട്ടി​ലെ​ത്തി വെ​ള്ള​മെ​ടു​ക്കു​ന്ന​തി​നി​ടെ ഷോ​ക്കേ​റ്റു കു​ട്ടി മ​രി​ച്ചു​വെ​ന്ന് അ​റി​യി​ച്ചു.

തുടർന്ന് ​ കു​ട്ടി​യു​ടെ അ​മ്മ പൊ​ലീ​സി​ല്‍ വി​വ​ര​മ​റി​യി​ക്കാ​ന്‍ ഒ​രു​ങ്ങി​യ​പ്പോ​ള്‍ അ​തു​വേ​ണ്ടെ​ന്നും പോസ്റ്റ് മോർട്ടം സ​മ​യ​ത്തു ഡോ​ക്ട​ര്‍​മാ​ര്‍ അ​വ​യ​വ​ങ്ങ​ള്‍ മു​റി​ച്ചു​മാ​റ്റു​മെ​ന്നും അ​തി​നാ​ല്‍ ഇ​പ്പോ​ള്‍ ത​ന്നെ സം​സ്കാ​രം ന​ട​ത്താ​മെ​ന്നും ഇ​വ​ര്‍ ആ​വ​ശ്യ​പ്പെടുകയായിരുന്നു.

അതേസമയം പോസ്റ്റ്​മാര്‍ട്ടം നടത്താതെ ദഹിപ്പിക്കുന്നതിനിടയില്‍ ചിതകെടുത്താന്‍ ശ്രമിച്ച ബന്ധുക്കളെയും പ്രദേശവാസി​കളെയും പൊലീസ്​ തടഞ്ഞു. പൊലീസിന്​ മുന്നിലിട്ട്​ പെണ്‍കുട്ടിയുടെ പിതാവിനെ പ്രതിക​ളുടെ ആളുകള്‍ ചേര്‍ന്ന്​ മര്‍ദിച്ചിട്ടും​ പോലീസ് തടഞ്ഞില്ലെന്നും മാതാവ്​ വെളിപ്പെടുത്തി. കു​ട്ടി​ക്ക്​ നീ​തി ആ​വ​ശ്യ​പ്പെ​ട്ട്​ ഗ്രാ​മ​വാ​സി​ക​ള്‍ പ്ര​ദേ​ശ​ത്ത്​ പ്ര​തി​ഷേ​ധം തു​ട​ങ്ങിയതോടെ പൂജാരി അടക്കം നാല്​ പേരെ പൊലീസ്​ അറസ്റ്റ്​ ചെയ്​തത്​.

shortlink

Related Articles

Post Your Comments

Related Articles


Back to top button