KeralaLatest NewsNews

മുഖ്യമന്ത്രിയുടെ ഫേസ്ബുക്ക് പോസ്റ്റിന് കമന്റിട്ടു: സിപിഎം ബ്രാഞ്ച് സെക്രട്ടറിയ്ക്ക് സസ്‌പെന്‍ഷന്‍

കമന്റ് പിന്‍വലിപ്പിച്ചെങ്കിലും സ്‌ക്രീന്‍ ഷോട്ടുകള്‍ പ്രചരിക്കുകയായിരുന്നു.

വള്ളികുന്നം: മുഖ്യമന്ത്രിയുടെ ഫേസ്ബുക്ക് കുറിപ്പിന് വിമര്‍ശനാത്മക കമന്റിട്ട സംഭവത്തില്‍ ബ്രാഞ്ച് സെക്രട്ടറിയെ സിപിഎം സസ്‌പെന്‍ഡ് ചെയ്തു. ഡിവൈഎഫ്‌ഐ കറ്റാനം മേഖല സെക്രട്ടറിയും സിപിഎം ബ്രാഞ്ച് സെക്രട്ടറിയുമായ എസ് സുജിത്തിനെയാണ് ആറു മാസത്തേക്ക് സസ്‌പെന്‍ഡ് ചെയ്തത്.

Read Also: അൾത്താരയിൽ ഐക്യം ഇല്ലാതെ സഭയിൽ ഐക്യം ഉണ്ടാകില്ല: 400 ഓളം വൈദികര്‍ പരസ്യ പ്രതിഷേധത്തിലേക്ക്

കഴിഞ്ഞ ദിവസം ചേര്‍ന്ന സിപിഎം കറ്റാനം ലോക്കല്‍ കമ്മിറ്റിയാണ് തീരുമാനമെടുത്തത്. ചതയദിന ആശംസ നേര്‍ന്നുള്ള മുഖ്യമന്ത്രി ഫേസ്ബുക്ക് കുറിപ്പിന് സുജിത്ത് നല്‍കിയ കമന്റാണ് പാര്‍ട്ടിയെ പ്രകോപിപ്പിച്ചത്. ‘അവിട്ടം ദിനം മറന്നവര്‍ ചതയദിനം കൃത്യമായി ഓര്‍ക്കുന്നു’ എന്നായിരുന്നു സുജിത്തിന്റെ കമന്റ്. കമന്റ് പിന്‍വലിപ്പിച്ചെങ്കിലും സ്‌ക്രീന്‍ ഷോട്ടുകള്‍ പ്രചരിക്കുകയായിരുന്നു. ഇതോടെ കഴിഞ്ഞ ആഴ്ച അടിയന്തര ലോക്കല്‍ കമ്മിറ്റി ചേര്‍ന്ന് സുജിത്തിനോട് സംഭവത്തില്‍ വിശദീകരണം തേടിയിരുന്നു. വിശദീകരണം തൃപ്തികരമല്ലെന്നു ചൂണ്ടിക്കാട്ടിയാണ് നടപടി.

shortlink

Related Articles

Post Your Comments


Back to top button