നെടുമ്പാശ്ശേരി വിമാനത്താവളത്തിലെ സൌരോര്‍ജ്ജ പ്ലാന്റില്‍ ജൈവപച്ചക്കറി കൃഷി ചെയ്തു വിജയിപ്പിച്ചു.ലോകത്തില്‍ത്തന്നെ ആദ്യമായിട്ടാണ് ഇത്തരമൊരു പരീക്ഷണം.
മത്തന്‍, കുമ്പളം, വെണ്ട, വെള്ളരി, പയര്‍, കുറ്റിപ്പയര്‍ എന്നിങ്ങനെ അധികം ഉയരത്തില്‍ വളരാത്ത പച്ചക്കറികള്‍ പ്ലാന്റിന്റെ വടക്കുഭാഗത്ത് മൂന്നേക്കറോളം സ്ഥലത്ത് യാതൊരുവിധ രാസവളങ്ങളും ഇല്ലാതെയാണ് കൃഷി ചെയ്തത്.ഭൂമിയ്ക്ക് ഇപ്പോള്‍ ഇരട്ടി ഉപയോഗമായി.
സോളാര്‍ പ്ലാന്റില്‍ പൊടി പിടിയ്ക്കാതെ ഇടയ്ക്ക് കഴുകും.ആ വെള്ളമാണ് ഈ തോട്ടത്തിനെ നനയ്ക്കുന്നത്.സോളാര്‍ പാനലുകള്‍ക്കും ഗുണകരമാണ് ഇത്..ചൂട് കൂടുമ്പോള്‍ പാനലുകളുടെ പ്രവര്‍ത്തനം കുറയും.ചൂട് കുറച്ച് പ്ലാന്റിന്റെ പ്രവര്‍ത്തനക്ഷമത വര്‍ദ്ധിപ്പിയ്ക്കാന്‍ ഈ ജൈവകൃഷി സഹായകമാവുന്നുണ്ട്.
ലോകത്തിലെ ആദ്യത്തെ സമ്പൂര്‍ണ സൗരോര്‍ജ വിമാനത്താവളമായ കൊച്ചി അന്താരാഷ്ട്ര വിമാനത്താവളം ഗ്രീന്‍ എയര്‍പ്പോര്‍ട്ടായി മാറ്റുന്നതിന്റെ തുടക്കമാണ് ഈ ജൈവകൃഷി സംരംഭം.കാര്‍ഷികോല്‍പ്പന്നങ്ങളുടെ വിപണനരംഗത്തെയ്ക്കാണ് അടുത്ത കാല്‍ വെയ്പ്പെന്നു സിയാല്‍ അധികൃതര്‍ പറഞ്ഞു.
Post Your Comments