തിരുവനന്തപുരം: കുടുംബത്തിനൊപ്പം അവധിക്കാലം ചെലവഴിക്കാൻ രാജ്യത്തെ ഏറ്റവും നല്ല സംസ്ഥാനമായി കേരളം. ലോൺലി പ്ലാനെറ്റ് മാഗസിൻ നടത്തിയ 2016ലെ ബെസ്റ്റ് ഫാമിലി ഡെസ്റ്റിനേഷൻ അവാർഡാണ് മറ്റു സംസ്ഥാനങ്ങളെ പിൻതള്ളി കേരളം നേടിയത്. ഇത് രണ്ടാം തവണയാണ് ട്രാവൽ അവാർഡ് കേരളത്തിന് ലഭിക്കുന്നത്. ഓൺലൈനിലൂടെയും മാഗസിനിലൂടെയും നടത്തിയ വോട്ടിംഗിൽ നിന്ന് മികച്ച ട്രാവൽ വിദഗ്ദർ അടങ്ങുന്ന പാനലാണ് അവാർഡുകൾ പ്രഖ്യാപിച്ചത്.
ഫാമിലി ഡെസ്റ്റിനേഷനു പുറമേ മികച്ച സംസ്കാര നഗരിയായും പിരിമുറുക്കങ്ങളിൽ നിന്ന് വിശ്രമം നൽകുന്ന ഇടമായും കേരളത്തിന്‍റെ പേര് നോമിനേറ്റ് ചെയ്തിരുന്നു.മുംബൈയിൽ നടന്ന ചടങ്ങിൽ കേരള ടൂറിസം ഡയറക്ട്ർ യു.വി ജോസ് പുരസ്കാരം ഏറ്റുവാങ്ങി. ടൂറിസ്റ്റുകളുടെ അനുഭവങ്ങൾ, മികച്ച സർവീസ് പ്രൊവൈഡർ, മികച്ച ട്രാവൽ ഡെസ്റ്റിനേഷനുകൾ, എല്ലാവരും പോകാൻ ഇഷ്ടപ്പെടുന്ന സ്ഥലങ്ങൾ എന്നിവ ഈ അവാർഡ് ചടങ്ങിൽ എടുത്ത് പറയപ്പെടുന്നു.
Post Your Comments